Tlhahisoleseding e Nngwe

PSALME ya 52

Ya mohlabeledi ya thuto ya Dafida. Ke ya mola Doege Moedomo a etla a tsebiša Saulo, a re: Dafida o ngwakong wa Ahimeleke.

₁O reng o itheta ka bobe, wena mogale? Botho bja Modimo ke bja mehla le mehla.

₂Leleme la gago le rera go senya, le etša thipa e bogale, wena moradia.

₃O rata bobe; o gana tše bolo; o rata maaka, o lesa go bua therešo.

₄O rata polelo ka moka tša go senya, wena leleme la bogaregare.

₅Modimo o tlo go pšhatla ya ba moka; o tlo go hlothola a go tomola mo nageng ya ba phelago.

₆Baloki ba tlo di bona ba tšhoga; yena ba tlo mo sega ba re:

₇Soo monna eo sebo sa gagwe e bego e se Modimo, e a bego a botile bogolo bja thuo ya gagwe, a retelela mo megabarung ya gagwe.

₈Gomme nna ke bjalo ka mohlware wa kgabane mo Ngwakong wa Modimo; ke botile botho bja Modimo neng le neng.

₉Ke tlo fela ke leboga wena go ya go ile, ka gobane o a dira. Ke tlo holofela leina laago, ka gobane le lebane le bagaugelwa ba gago ba tše di botse.