PSALME ya 37

₁Se je pelo ge o bona babe; se hufegele ba dirago tše di sa lokago.

₂Gobane ba tlo etša bjang bo se thata go oma; ba tlo pona boka matlakala a matala.

₃Bota Morena, o dire tše dibotse; itulele mo nageng ya geno, o tlwaelane le potego.

₄O thabele Morena, mme yena o tlo go nea tše pelo yago e di kgopelago.

₅Gafela Morena ditsela tša gago, o mmote; yena o tlo dira.

₆Go loka ga gago o tlo go hlabiša bjalo ka seetša, ditaba tša gago tša tlo ela boka mosegare.

₇Ikhomolele pele ga Morena, o mo letele; o se ke wa ja pelo ge mologamaano a letlelwa ke ditsela.

₈Lesa go galefa, o ile lehloyo; ge o ka selekega o tlo ba wa senya.

₉Gobane ba babe ba tlo loba; baleta-Morena e tlo ba beng ba naga.

₁₀Go se gokae e mobe o tlo ba a ile; o tlo boga lešope, yena a se gona.

₁₁Ba boleta e tlo ba bona beng ba naga; ba tlo thaba ka botlalo bja molao.

₁₂Mobe moreamoloki o lomanya meno ka lehloyo.

₁₃Fela Mongabohle o a mo nyatša, o bona letšatši la gagwe le etla.

₁₄Ba babe ba dula ba swere lerumo, ba ngangile bora; ba re ba bolaye babotlana le badiidi, ba betše ba tsela ya go loka.

₁₅Fela, lerumo le tlo ba boela la ba hlaba pelo; bora bja bona bo tlo robja.

₁₆Leruonyana la moloki le phala mahumo a babe ba bantši.

₁₇Gobane matsogo a babe a tlo robja; baloki ba tlo thekgwa ke Morena.

₁₈Ba bolo, matšatši a bona a tsebja ke Morena; magae a bona ke a neng le neng.

₁₉Ba ka se ke ba lewa ke dihlong ka mohla o mobe; mme ngwageng wa tlala ba tlo khora.

₂₀Ba go tlo loba ke ba babe; manaba a Morena a tlo fela bjalo ka botala bja mafulo; ba tlo fela bjalo ka meuši.

₂₁Yo mobe ke eo, wa ge a adimilwe a se buše. Moloki o fa fela, o a nea.

₂₂Bašegofatšwa ba Morena e tlo ba beng ba naga; ba a ba lahlago ba tlo fedišwa.

₂₃Mošito wa monna o tiišwa ke Morena ge a kgahlwa ke ditsela tšagwe.

₂₄Ge a ka wa, ga a wele ruri, gobane Morena o swere seatla sa gagwe.

₂₅Ke be ke le lesogana, ka ba ka tšofala ke sešo ka bona moloki a lahliwe, le bana ba gagwe ba diila.

₂₆Ke mmone a fela a nea, a adima ba bangwe; bana ba gagwe e le ba go šegofatšwa.

₂₇Ila bobe, o dire tše botse; o tsebo agišwa go ya go ile.

₂₈Gobane Morena o rata tša toko; bagaugelwa ba gagwe ga ba lahle; o tlo ba lotola neng le neng. Ba ba lobago ke peu ya babe.

₂₉Baloki e ba beng ba naga, ba dula mo go yona ka mehla le ka mehla.

₃₀Molomomoloki o bola bohlale. Leleme la gagwe le bua molao.

₃₁Molao wa Modimo wagwe o dula ka pelong ya gagwe; maoto a gagwe ga a thekesele.

₃₂Yo mobe o dula a theile wa moloki; o re: Ke mmolaye.

₃₃Fela, Morena ga a mo gafele diatleng tša gagwe; a ka se mo tšwe ge ba mo sekiša.

₃₄Letela Morena, o sware ka tsela ya gagwe, a go godiše o be mong wa naga; o bone ge babe ba loba.

₃₅Ke bone yo kgopo a bata bogolo, a iphagamiša wa sehlare se se tsemilego medu.

₃₆Mofeti a feta, a hwetša a se gona; ka mo nyaka, ka se ke ka mmona.

₃₇Setša moloki o bone yo bolo; monna wa molao o tlo bona ditlogolo.

₃₈Bakgelogi ba timetšwa bohle; ditlogolo tša bakgopo di tlo fetšwa.

₃₉Tlhakodišo ya baloki e tšwa go Morena, yena sebo sa bona mohla wa tlalelo.

₄₀Morena o a ba thuša, o a ba namolela; o ba namolela diatleng tša babe; o ba phološa gobane ba khuta ka yena.