PSALME ya 147

₁Haleluya, gobane go bina koša ya Modima rena ke gabotse; go mo reta go monate, gomme go swanetše.

₂Morena o aga motse wa Jerusalema, o kgobela bafaladi ba Isiraele.

₃O fodiša ba dipelo tše robegilego, o tlemelela ntho tša bona.

₄O beile palo ya dinaledi, ka moka ga tšona o di bitša ka maina.

₅Mong wa rena ke e mogolo, ke yo maatla a mantši, ke yo bohlale bjo bo sa elwego.

₆Morena mohlekabahlaki; ba babe o ba wetša fase.

₇Opelelang Morena ka go mo leboga, le binele Modima wa rena ka diletšo.

₈Moširalerata ka maru, Mmeela lefase dipula, Mmediša bjang dithabeng.

₉Dikgomo o di fa dijo tša tšona, le mafoto a magukubu ge a mo llela.

₁₀O nyatša maatla a dipitsi, manotlo a monna ga se ona a mo thabišago.

₁₁Morena, ba ba mo kgahlago ke ba ba mmoifago le ba mmotilego botho.

₁₂Hee Jerusalema! Reta Morena! Hee Tsione! Tlotla Modimo wa gago.

₁₃Ke yena a tiišago magoro a gago, o atla bana ba gago motseng.

₁₄O ageletše mellwane ya gago ka molao, o go horiša ka mabele' a nonnego.

₁₅O roma ditaelo tšagwe tša tla lefaseng; mme lentšu la gagwe le sepeleša ka lebelo.

₁₆O neša leswela boka leokodi; tšhwane o e gaša bjalo ka molora.

₁₇O neša sefako bjalo ka disohlo; phefo ya gagwe e fenywa ke mang?

₁₈A roma ditaelo tša gagwe, o a di tološa; a tsoša ledimo lagwe, meetse a a ela.

₁₉Mme lentšu la gagwe o le anegetše Bajakobo; Baisiraele o ba anegetše melao ya gagwe le mekgwa ya gagwe.

₂₀Mo go bantle bohle ga a ešo a ba a di dira; mme mekgwa ya gagwe bona ga ba e tsebe. Haleluya!