PSALME ya 13

₁Morena, o tlo lesa neng go dula o ntebetše? O tlo kgaotša neng go nkutela sefahlego sa gago?

₂Ke tlo khutša neng go ipolokela pelaelo mo pelong, le go hlwa ke kgokgona? Lenaba le tlo lesa neng go rena ka nna?

₃A nke o lebelele hle, mme o nkarabele; Morena Modimo wa ka, ediša mahlo a ka, ke se tlo swarwa ke boroko bja lehu.

₄Lenaba la ka le se tlo re: Ke mo fentše! Bahloi ba ka ba se tlo hlalala ge ke šutha.

₅Ge e le nna, se ke se botago ke botho bja gago; pelo ya ka e tlo hlalala ge o mphološitše, ka hlaba sefela sa Morena sa ge a ntšheditše.