PSALME ya 127

₁Ngwako wa se agwe ke Morena, baagi ba wona ba itapiša ka lefela. Motse wa sa dišwa ke Morena, mohlapetši o phakgama ka lefela.

₂Ke ka lefela ge le tsoga e sa le bošego, le diega go yo dula, le eja bogobe bja majapelo; gobane Morena baratwa ba gagwe o ba nea ba robetše.

₃Ka kgonthe, bana ba motho ke neo ya Morena; kenyo ya mmele ke mpho.

₄Ba etša mesebe diatleng tša mogale; ba bjalo bana ba ba tswaletšwego motho a sa le e mofsa.

₅Wa lehlogonolo ke monna wa kgotlopo e tletšego bona bao; a ka se dumale ge a sekišana le manaba mo kgorong.