PSALME ya 12

₁Morena hlakodiša! Gobane ba borapedi ba napa ba felela; gobane ba go botega ba napa ba notlega gara bana ba batho.

₂Batho ba botšana tša maaka, melomo ke ya boreledi, dipolelo ke tša pelopedi.

₃A Morena a fediše melomo ye ya boreledi yohle, le maleme a go bua tša go ikgodiša.

₄A fediše ba go re: Re tia maatla ka leleme; re emelwa ke melomo; ke mang a ka bago mong wa rena?

₅Ge e le Morena, yena o re: Bjalo ke a tsoga, ka gobane babotlana ba a pateletšwa; badiidi ba fegelwa; ke phološa ballelagophološwa.

₆Se Morena a se boletšego ke puotshekegi; e etša tšhipitshehla e tšwago meubeng e tološitšwe gašupa.

₇Wena Morena, o tlo ba leta; o tlo fela o re namolela diatleng tša mohuta woo.

₈Ba babe ba hubaka thoko tšohle, gobane go bana ba batho go buša lenyatšo.