PSALME ya 113

₁Haleluya! Retang, lena bahlanka ba Morena, retang leina la Morena.

₂Leina la Morena a le retwe go tloga bjalo le go ya go ile.

₃Leina la Morena a le retwe go tloga bohlabela go iša bodikela.

₄Morena o phagame godimo ga ditšhaba tšohle, letago la gagwe le ukametše magodimo.

₅Ke mang a lekanago le Morena Modimo wa rena Modulaphagamong?

₆O ukametše magodimo le lefase, o di bona di le tlase,

₇a tsoša babotlana leroleng, a ntšha modiidi ditšhileng;

₈a mo dudiša le babuši, le babuši ba setšhaba saabo,

₉mosadi wa moopa o mo dudiša mo lapeng e le mmagobana a thabile. Haleluya!