PSALME ya 11

₁Ke ipata ka Morena. Le sa reng ge le mpotša le re: Tšhabela dithabeng tša geno bjalo ka nonyana?

₂Gobane šebao ba babe, ba nganga bora, mosebe ba o bea lešikeng, gore ba le leswiswing ba betše batho ba dipelo tša go loka;

₃Ge metheo e phušotšwe, baloki ba sa tlo dirang?

₄Morena o Ngwakong wa gagwe o mokgethwa; sedulo sa gagwe se kua magodimong; mahlo a gagwe a a bona; dintaka tša gagwe di šetša bana ba batho.

₅Morena o šetša ba ba lokilego le ba babe; gomme o hloile ba ba ratago bosenyi.

₆O tlo ba nešetša pula ya magala; mollo le tshebela, le ledimo la go fiša, di tlo tšhologela bona.

₇Gobane Morena ga a bebe sefahlogo, o rata tša go loka; mme moloki o tlo mmona sefahlego.