DIEMA 3

₁Ngwanaka! Se lebale thuto yaka. Pelo ya gago a e lote ditaelo tša ka. ₂Gobane di tlo go tlišetša bontši bja matšatši, le nywaga ya bophelo, le tetlego. ₃A lerato le therešo di se go tlogele. Di apare bokapheta molaleng; di tloke pelong boka tlapeng. ₄Ke mo o tlogo hwetša mahlo a Modimo le a batho a go lebeletše ka lerato le ka botho.

₅Bota Modimo ka pelo ka moka; o se ke wa ithekga ka go fo re: Ke ne tlhaloganyo. ₆Ditseleng tša gago tšohle tseba yena; ke mo yena a tlogo go thulela tsela. ₇O se ke wa itshema yo bohlale. Boifa Morena; ila sebe. ₈Ke mo o tlogo ba le mmele o thabago, wa iphsina mo dithong tša gago. ₉Loba Morena ka khumo ya gago, le ka dithakangwaga tša puno ya gago ka moka. ₁₀Mme dišego tšago di tlo tlala lehumo, dinkgo tša fofoma mananose a morara.

₁₁Ngwanaka! Se nyatše tsholo ya Morena; o se tsote kotlo ya gagwe. ₁₂Gobane Morena o otla moratwa wa gagwe, bjalo ka tatagomotho ge a otla morwagwe moratwa. ₁₃Lehlogonolo le ne khwetšabohlale, motlelwaketemogo. ₁₄Mošabo wa bohlale o phala wa lehumo; bo ruiša motho tše di fetišago o phala wa lehumo; bo ruiša motho tše di fetišago tshipi e khwibidu. ₁₅Bohlale bo feta le pheta ya thaga; le talama tša gago tšohle ga di bofihlele. ₁₆Bo swere bolelele bja bophelo ka atla sa le letona; ka sa ntsogošo bo swere khumo le kgodišo. ₁₇Tsela tša bjona ke tselathategi; mme yohle mebila ya bjona ke ya kagišo. ₁₈Bohlale ke sehlare sa bophelo sa ba bo swerego; wa swara wa tiiša, o tlo ba wa mahlatse. ₁₉Bohlale, Morena o theile fase lohle ka bjona; o thekgile magodimo ka yona tlhaloganyo. ₂₀O thutše madiba ka tsebo ya gagwe, maru a rothiša phoka.

₂₁Ngwanaka! Bohlale a bo se go širogele; ipolokele tlhaloganyo le pelokeledi. ₂₂Ke tšona di phedišago moya waago, di go apeša pheta molaleng, ₂₃wa tlo tsebo swara tsela yago o iketlile; leoto la gago le ka se ke la kgopja. ₂₄Ge o robetše, o ka se tširuge; o tlo robala wa natefelwa ke boroko. ₂₅O se šie go ka welwa ke tše di tšhošago, le mohla go tlago kotsi ya go senya ba babe. ₂₆Gobane o bota Morena; yena o efoša oto lago moreo.

₂₇Yo a swanetšwego ke tše botse o se mo hlokiše tšona, ge atla sa gago se kgona go di dira. ₂₈Se bolele le wa geno wa re: Tloga bjale; o boe ke go nee ka moswana etšwe o na naso. ₂₉Wa geno o se mo logele maano, mola a agile nago a thabile. ₃₀O se fo thoma ntwa le motho a sa ka a go dira sebe. ₃₁Wa megabaru o se mo kganyoge; o se itlhaolele tsela go tša gagwe tsela. ₃₂Gobane Morena o hlaswa sehlola, o kwana le baloki. ₃₃Lapa la yo mobe, Morena o tlo le hlolela kotsi; o tlo šegofatša motse wa yo bolo. ₃₄Bakweri, a lebana nabo, o a kwera; ba boleta o a ekelela. ₃₅Babohlale, bohwa bja bona ke tlotlo; bogolo bja mašilo ke go kwerwa.