NAHUME 3

₁Joo motse wa madi! Wa go tlala maaka le sehlogo, o sa khutšego go hlakola batho! ₂Kwa tshelane! Kwaa, go kitisela maotwana, ke mešito ya dipitsi tše di kitimago, makoloi a a kganyelago. ₃Go kutuloga banamedi! Magadigadi a ditšhoša! Tšharara ya marumo! Matshwithitshwithi a ba hlabilwego! Ditoto ke mekgobo; ba tšama ba di gata! ₄Molato ke mabootswa a magolo a seotswa seo sa bonatla le boleta, molakabaloi, mmapatšaditšhaba ka bootswa bjagwe, mmapatšadilete ka boloi bjagwe!

₅Morena wa mašaba o re: Ke nna e, ke lwago nago! Ke tlogo hlobodiša ka go khurumetša sefahlogo ka ditšwaro tšago, ditšhaba tša bona bofela bja gago, dikgoši, tša go bona dihlong. ₆Ke tlogo tšhela tšhila wa nyatšega, ka go dira sebogelo. ₇Ke mo bohle ba ba go bonago ba tlogo go tšhaba ba re: Motse wa Ninife o thubilwe! O kwelwa bohloko ke mang? Ke tlogo tsomela kae ba go go homotša?

₈A o re o phala Noo-Amone, wo o bego o farilwe ke dinoka, o goragoretšwe ke meetse thoko tšohle, wo matla a wona e bego e le lewatle, merako e theilwe bodibeng? ₉Maatla a wona e be e le Kushe, le Baegipita ba sa felego; le Baphute le Balube ba be ba o thekgeletša. ₁₀Le ge go le bjalo o thopilwe wa išwa bothopša, bana ba gona ba pšhatlwa mekgobeng mo magahlanong, banna ba dinopodi ba ba tšea ka matengwa, ba bagolo ba tlengwa ka ditshipi.

₁₁Le wena o tlo gakanega, wa se hlwe o tsebja, wa se hlwe o tsebja wa tšhaba lenaba o nyaka setšhabelo. ₁₂Dibo tša gago tšohle ke dienywa tša mogoserake tše di budulego: tše e rego di šišinywa tša wela moji ganong. ₁₃O tsebe gore mo motseng wa gago banna e tlo ba basadi; dikgoro mo nageng ya gago di ahlame, di buletšwe ba manaba; meswiko e tlo swaka mollo. ₁₄Gaa meetse a mohla o tlogo rakelelwa; tiiša merako ya gago. Tsena lerageng o dube; aga sebešo sa makokota. ₁₅Mo o lego gona o tlo swa ka mollo o tlo fela ka lerumo, e ke o llwe ke bojane, le ge o atile bjalo ka bojane, boka tšie, le ge babapatši bago ba atile bjalo ka dinaledi magodimong; bojane bo tlo gara bja fofa. ₁₆Beng ba diala go wena ba etša tšie; balaodi ba dira ba bjalo ka yona, e robalago legoreng mohla go tonya, ye e rego ge letšatši le hlabile e fofe, mme go se tsebje mo e yago. ₁₇Hee kgoši ya Asuri Badiši ba gago ba ile le boroko; bagale ba gago ba itše “tuu”; setšhaba sa gago se phatlalala le dithaba; se hloka wa go se rapa.

₁₈O kutlegile wa go se fole; ntho ya gago ga e alafege; mme bohle ba kwago tša gago ba opa magoswi ba thaba, ka gobane ke ge le le mang a sa kago a tlelwa ke bošula bjo bo bego bo etšwa go wene ka mehla?