MIKA 4

₁Bofelong bja mabaka thaba ya Ntlo ya Modimo e tlo ba e thekgilwe godimo ga dithaba, e beilwe godimo ga meboto; mme ditšhaba di tlo tšhologela mo go yona. ₂Meraforafo e tlo ya gona e re: A re yeng re rotogele thabeng ya Morena. Ngwakong wa Modimo wa Jakobo, a re rute tsela tšagwe; gobane molao o tlo tšwa Tsione, Lentšu la Morena le tlo tšwa Jerusalema. ₃O tlo buša ditšhaba tše ntši, o tlo ahlolela ba meraforafo e maatla le ya kgole. Ke mo ba tlogo tšea ditšhoša ba rula megoma ka tšona, ba tšwa marumo ba rula magwetla ka ona. Go ka se be le setšhaba se se tlogo tšwela se sengwe lerumo: batho ba tlo lesa go ithuta go hlabana. ₄Motho o tlo dula meriting ya morara wagwe, le mo moriting wa mogo wa gagwe, go se e a ba tšhošago: ka gobane go boletše molomo wa Morena wa mašaba.

₅Bjale ge setšhaba se sengwe le se sengwe se eya ka tsela ya modimo wa sona, rena re tlo fela re eya ka tsela ya Morena Modimo wa rena ka mehla le go ya go ile.

₆Mohlang woo, Morena o re, ke tlo phutha ba digole, ka kgobokanya ba ba rakilwego, le bao nkilego ka ba hlokofatša. ₇Ba digole ke bona ba ke ba dirago mašalela; ba ba bego ba rakilwe, ke bona ba ke ba dirago tšhaba se maatla; wa go tlo buša thabeng ya Tsione ke yena Morena go tloga moo le go ya go ile.

₈Gomme wena Sebosamohlape, wena thaba ya ngwanana wa Tsione, tše di tlogo go tlela tša boa ke bjola bogoši bja kgale, mmušo wa ngwanana wa Jerusalema. ₉O reng o sa hlaboša sello? Hleng kgoši ya gago e mo go wena! A Moeletši wa gago o fedile, ge o šonopega wa mmelegi? ₁₀Sonopega o šokwe, wena ngwanana wa Tsione; gobane bjale o falala motseng wono, o yo dula gara naga; o tlo ba wa fihla kua Babele. Gona kua o tlo hlakodišwa; gona kua atleng tša manaba ago o tlo lopollwa ke Morena. ₁₁Mme bjale o dikiwa ke ditšhaba tše dintši di re: A Tsione go gobošwe! Ba re: Mahlo a rena a tlo bona se se tlogo dirwa motse wa Tsione. ₁₂Bona ga ba tsebe mogopolo wa Morena, ga ba lemoge morero wa gagwe, ge a ba kgobela bjalo ka mehunagana seboeng.

₁₃Hee ngwana wa Tsione! Nanoga o fole! Lenaka la gago ke le dira tshipi; le hlako tša gago ke di dira mphiri. O tlo pšhatlaganya tšhaba tše dintši; mme thuo ya bona e dire digafiwamoka tša Morena; mahumo a bona e be a yena Morena wa lefase lohle. ₁₄Bjale rapa, wena ngwananyana modikiwa! Ba re rakeletše, mme mmuši wa Isiraele ba mo tia thama ka kgati.