MATEO 18

₁Ka yona nako yeo barutiwa ba tla go Jesu, ba re: E mogolo mmušong wa magodimo ke mang?

₂Jesu a bitša ngwana, a mmea mo gare ga bona, ₃A re: Ruri, ke a le botša, ge le sa fetoge la ba bjalo ka bana, le ka se ke la tsena mmušong wa legodimo. ₄Gomme e mogolo mmušong wa magodimo ke mang le mang e a ikokobetšago a ba bjalo ka ngwana yo. ₅Mme e a amogelago ngwana o tee e a etšago yo, a direla ina la ka, o amogela nna.

₆Gomme, e a kgopišago e mongwe wa ba banyenyane ba, go ka ba kaone lwala la go šila ge le ka tlemelwa molaleng wa gagwe, mme a tekesetšwa bodibeng bja lewatle. ₇Joo lefase joo! Molato ke dikgopišo. Gobane tšona dikgopišo go tla di tlo tla; fela, yo madimabe ke motho eo di tlago ka yena.

₈Ge o kgopišwa ke atla sa gago, goba lenao la gago, di ripe o di lahle kgole; gobane go kaone ge o tsena bophelong o le segole goba o le tsogwane, wa se lahlelwe kwa mollong o sa timego neng le neng o nne atla tše pedi le nao tše pedi. ₉Le gona ge o kgopišwa ke ihlo la gago, le gonye o le lahle kgole. Go kaone ge o tsena bophelong o le moihlwe, wa se lahlelwe moleteng wa mollo nne mahlo a mabedi.

₁₀Le bone gore le se nyatše e mongwe wa ba banyenyane ba; ka gobane nna ke a le botša, barongwa ba bona kwa legodimong ba hlwa ba bona sefahlogo sa Tate wa magodimong. ₁₁Gobane Morwamotho o tlile go phološa ba ba timetšego.

₁₂Le reng ge motho a na le dinku tše lekgolo, mme gwa timela e tee ya tšona, a a ka se tlogele tše masome a senyane le metšo e senyane dithabeng, a ya go tsoma yeo e timetšego? ₁₃Gomme ge a ka e hwetša, ruri ke a le botša, o tlo e thabela gagolo wa go fetiša go thabela tšeo tše masome a senyane a metšo e senyane, tše di sa timelago. ₁₄Le Tataweno wa magodimong ga a rate ge le o tee wa ba banyenyane ba a ka timela.

₁₅Ge ngwaneno a senya, mo sole le le seng; ge a ka kwa, gona o tlo rua ngwana weno. ₁₆Ge a ka gana go go kwa, yaa go yena o na le yo mongwe le ge e le ba babedi, gore ditaba di dule di na le hlatse tše pedi le ge e le tše tharo. ₁₇Ge a ka gana go kwa bonabao, gona o botše phuthego. Ge a kagana go kwa yona phuthego, gona o mo seme wantle le mohlanogi.

₁₈Ruri, ke a le botša, tšohle tše le tlo go di tlema mono lefaseng, di tlo tlengwa le kwa magodimong le tše le tlo go di hunolla lefaseng, di tlo hunollwa le kwa legodimong.

₁₉Le gona ke le botša ke re: Ge ba babedi ba lena mono lefaseng ba ka kwana tabeng e fe le e fe ye ba ratago go e kgopela, ba tlo fiwa ke Tate wa magodimong. ₂₀Gobane mo ba babedi le ge e le ba bararo ba kago phuthega ka leina la ka, nna ke tlo ba gare ga bona.

₂₁Ke mo Petro a batametšego a re: Morena, ngwanešo ge a ntshenyetša, ke tlo mo lebalela gakae? A nka mo lebalela gašupa?

₂₂Jesu a re: Nna ga ke re gašupa; a e be masome a šupago ge a balwa gašupa. ₂₃Ka gobane mmušo wa magodimo o swana le motho wa kgoši, ge a nyako balelana metšhokga le bahlanka ba gagwe. ₂₄Ge a thoma go bala, gwa tlišwa e mongwe e a nago le molato wa diponto tše dikete tše makgolo. ₂₅Bjale ge a hloka tša go lefa ka tšona, morena wa gagwe a laela a re go rikišwe ka yena, le ka mosadi wa gagwe, le bana, le thoto ya gagwe ka moka: a lefe ka mokgwa woo. ₂₆Mohlanka eo a ikušetša fase a lotšha a re: Morena, a nke o se mphelele pelo; ke tlo go lefela tšohle. ₂₇Morena wa gagwe a mo gaugela, a mo lesetša; le tše e bego e le molato wo a o llego, a mo nea.

₂₈Ya re ge mohlanka eo a etšwa moo, a hwetša e mongwe wa bahlanka ka yena, e a bego a na le molato go yena wa mašeleng a lekgolo; a mo swara a mo tlima, a re: Ntefele molato wa ka! ₂₉Mohlanka eo ka yena a ikušetša fase, a mo rapela a re: A nke o se mphelele pelo; ke tlo go lefela tšohle. ₃₀Yena a gana, a ya a mo kgoromeletša kgolegong, go be go tle a lefe molato wa gagwe. ₃₁Bahlanka ka yena ba bona tše di diregilego, ba nyama dipelo gagolo; ba tla ba anegela morena wa bona tšohle tše di diregilego. ₃₂Morena wa gagwe a mmitša, a bolela nae a re: O mohlanka e mobe. Nka ke go lebaletše molato wola ka moka, ka gobane o nthapela. ₃₃A e be e se tshwanelo gore le wena o šokelwe mohlanka ka wena, bjalo ka ge nna ke go seketšwe? ₃₄Morena wa gagwe a tuka bogale, a mo gafela bahlokofatši go be go tle a lefe molato wa gagwe ka moka.

₃₅Le Tate wa magodimong o tlo le dira ka mokgwa woo ge le sa lebalele, ge motho a sa lebalele ngwanabo ditšhito tša gagwe ka pelo.