JONA 2

₁Jona, a le kmpeng ya hlapi, a rapela Morena Modimo wa gagwe, a re: ₂Ka bitša Morena ke le tlalelong, mme a nkaraba. Ka hlaba mokgoši ke le teng ga felobahu, a kwa lentšu la ka. ₃O be o ntahletše bodibeng gare ga mawatle, ka farafarwa ke mafula, ka ribegetšwa ke maphoto ago le mahulo ago. ₄Nna ka re ke lahlilwe, mme ga o sa mpona. Ka re: A nke ke buše ke iše mahlo kua Ntlongkgethwa yago. ₅Ke ge meetse a ntlaletše wa go mpeta, ke sobeletše bodibeng, ke tatilwe hlogo ke malele a lewatle, ₆ke theogetše kua tlasetlase go lego medu ya dithaba, ke tswaleletšwe ke meswiko ya lefase ya go ya go ile. Mme wena Morena Modimo wa ka wa ntšha phelo bjaka sekoting. ₇E itše ge moya wa ka o felela, ka iša mogopolo go Morena, thapelo ya ka ya fihla go wena kua Ntlongkgethwa yago. ₈Ba ba ikekago le mafela a forago, Mogaugedi wa bona ba mo lahlile. ₉Ge e le nna, a nke ke ipege mo go wena ka sedimo ke hlaboša lentšu la malebo; ke phethe se ke se ennego.

Go phološa go na le Morena.

₁₀Ge e le hlapi yela, Morena o e laetše, ya hlatša Jona mo go bego go le leši.