GENESI 36

₁Lešika la Esau. Ke yena Edomo.

₂Esau o be a tšere basadi ba gagwe go barwedi ba Kanana; ke Ada morwedi wa Elone Mohethe, le Oholibama morwedi wa Ana ngwana wa Tsibeone Mohefe, ₃le Basimatha morwedi wa Isimaele, kgaetšedi ya Nebayothe. ₄Ada o mmelegetše Elifase; Basimatha a belega Reguele. ₅Oholibama o belege Jeusi, le Jaelama, le Kora. Ke bona barwa ba Esau, ba a ba belegetšwego a sa le nageng ya Kanana.

₆Gomme Esau o khudugile le basadi ba gagwe, le barwa ba gagwe, le barwedi ba gagwe, le batho ka moka ba motse wa gagwe, le diruiwa tša gagwe ka moka, le thoto ya gagwe ka moka ye a e ruilego nageng ya Kanana; a arogana le Jakobo monnagwe, a ya nageng e šele. ₇Ka gobane maruo a bona e be e le a mantši, a ba šitiša go dula felo gotee; mme naga ya mafallelo a bona ga ya ka ya ba lekana ka baka la bontši bja mehlape ya bona. ₈Esau o ile a aga dithabeng tša Seire. Esau ke yena Edomo.

₉Šele ge lešika la Esau tatago Baedomo ba dithabeng tša Seire. ₁₀Maina a barwa ba Esau šea: Ke Elifase morwa wa Ada mogatša Esau, le Reguele morwa wa Basimatha mogatša Esau. ₁₁Barwa ba Elifase ke Themane, le Omara, le Tsefo, le Gaethama, le Kenase. ₁₂Thimina e be e le mosadi wa serethe wa Elifase morwa wa Esau; ke yena mmago Amaleke. Ke bona bana ba Ada mogatša Esau.

₁₃Barwa ba Reguele ke Nahathe, le Sera, le Sama, le Misa. Ke bona bana ba Basimatha mogatša Esau.

₁₄Ba Oholibama morwedi wa Ana morwedi wa Tsibeone, mogatša Esau šeba; Ke Jeusi, le Jaelama, ba a ba belegetšego Esau.

₁₅Ba e bego e le dikgošana go barwa ba Esau šeba: Ke barwa ba Elifase morwa wa Esau wa leitšibulo: Ke Themane wa kgošana, le Omara wa kgošana, le Tsefo wa kgošana, le Kenase wa kgošana, ₁₆le Kora wa kgošana, le Gaethama wa kgošana, le Amaleke wa kgošana. Ke bona bana ba Elifase ba dikgošana tša nageng ya Edomo; ke bona bana ba Ada.

₁₇Barwa ba Reguele morwa wa Esau ke Nahathe wa kgošana, le Sera wa kgošana, le Misa wa kgošana. Ke bona bana ba Reguele ba dikgošana tša nageng ya Edomo; ke bona bana ba Basimatha mogatša Esau, mme ke bona ba dikgošana, ke bona Baedomo.

₁₈Barwa ba Oholibama mogatša-Esau, ke Jeusi wa kgošana, le Jaelama wa kgošana, le Kora wa kgošana. Ke bona bana ba Oholibama morwedi wa Ana mogatša Esau, ba e bego e le dikgošana. ₁₉Ke bona barwa ba Esau; ke bona ba dikgošana; ke bona Ba-Edomo.

₂₀Barwa ba Seire Mohori ba ba bego ba agile nageng yeo šeba: Ke Lotane, le Sobala, le Tsibeone, le Ana, ₂₁le Disone, le Esere, le Disane. Ke bona ba dikgošana tša Bahori bana ba Seire nageng ya Edomo.

₂₂Barwa ba Lotane ke Hori le Hemama; kgaetšedi ya Lotane ke Thimina.

₂₃Barwa ba Sobala ke Alifane, le Manahathe, le Ebala, le Sefo, le Onama.

₂₄Barwa ba Tsibeone ke Aya le Ana. Ana ke yena e a hweditšego meetse a sebelabela lešokeng ge a diša dipokolo tša Tsibeone tatagwe. ₂₅Bana ba Ana šeba: Ke Disone; le Oholibama ke morwedi wa Ana. ₂₆Barwa ba Disone ke Hemudane, le Esibana, le Jithirana, le Kerane.

₂₇Barwa ba Esere ke Bilihana, le Tsafane, le Akane.

₂₈Barwa ba Disane ke Utsi, le Arani.

₂₉Dikgošana tša Bahori ke Lotane wa kgošana, le Sobala wa kgošana, le Tsibeone wa kgošana, le Ana wa kgošana, ₃₀le Disone wa kgošana, le Esere wa kgošana, le Disane wa kgošana. Ke bona ba dikgošana tša Bahori, ge go balwa ba e bego e le dikgošana mo go bona mo nageng ya Seire.

₃₁Sedi dikgoši tše di bušitšego nageng ya Edomo mehleng yela ge Baisiraele ba sešo ba bušwa ke kgoši. ₃₂Ke Bela morwa wa Beoro; o bušitše la Edomo, mme leina la motse wa gagwe ke Dinihaba. ₃₃Bela a hwa, bogoši bja gagwe bja tšewa ke Jobaba morwa wa Sera wa Botsara. ₃₄Jobaba a hwa, bogoši bja gagwe bja tšewa ke Husama wa naga ya Bathemane. ₃₅Husama a hwa, bogoši bja gagwe bja tšewa ke Hadada morwa wa Bedada, e a kilego a fenya Bamidiane mabaleng a Moaba; leina la motse wa gagwe ke Afithi. ₃₆Hadada a hwa, bogoši bja gagwe bja tšewa ke Samula wa Masereka. ₃₇Samula a hwa, bogoši bja gagwe bja tšewa ke Saulo wa Rehobothe wa kua nokeng. ₃₈Saulo a hwa, bogoši bja gagwe bja tšewa ke Baalihanana morwa wa Akiboro. ₃₉Baalihanana morwa wa Akiboro a hwa, bogoši bja gagwe bja tšewa ke Hadara. Leina la motse wa gagwe e be e le Pagu; leina la mohumagadi wa gagwe e be e le Mehetabele morwedi wa Matirede motlogolo wa Sahaba.

₄₀Šea maina a dikgošana tša Baesau, ge go iwa ka meloko ya tšona, le ka metse ya tšona, le ka maina a tšona: Ke Thimina wa kgošana, le Alifa wa kgošana, le Jethetha wa kgošana, ₄₁le Oholibama, wa kgošana, le Ela wa kgošana, le Pinoni wa kgošana, ₄₂le Kenase wa kgošana, le Themana wa kgošana, le Mibisara wa kgošana, ₄₃le Magdiel wa kgošana, le Irama wa kgošana. Ke tšona dikgošana tša leloko la Edomo le madulo a tšona mo nageng ye ba e tšerego. Ke yena Esau tatago Baedomo.