PSALM 2

₁WAAROM woel die nasies en bedink die volke nietige dinge?

₂Die konings van die aarde staan gereed, en die vorste hou saam raad teen die Here en teen sy Gesalfde en sê:

₃Laat ons hulle bande stukkend ruk en hulle toue van ons afwerp!

₄Hy wat in die hemel woon, lag; die Here spot met hulle.

₅Dan sal Hy hulle aanspreek in sy toorn, en in sy grimmigheid sal Hy hulle verskrik:

₆Ék tog het my Koning gesalf oor Sion, my heilige berg.

₇Ek wil vertel van die besluit: Die Here het aan My gesê: U is my Seun, vandag het Ek self U gegenereer.

₈Eis van My, en Ek wil nasies gee as u erfdeel en die eindes van die aarde as u besitting.

₉U sal hulle verpletter met 'n ysterstaf, U sal hulle stukkend slaan soos 'n erdepot.

₁₀Wees dan nou verstandig, o konings; laat julle waarsku, o regters van die aarde!

₁₁Dien die Here met vrees, en juig met bewing.

₁₂Kus die Seun, dat Hy nie toornig word en julle op die weg vergaan nie; want gou kan sy toorn ontvlam. Welgeluksalig is almal wat by Hom skuil!