I KRONIEKE 9

₁EN die hele Israel is in geslagsregisters opgeneem, en kyk, hulle is opgeskrywe in die boek van die konings van Israel. En die mense van Juda is in ballingskap na Babel weggevoer vanweë hulle ontrou.

₂En die wat vroeër in hulle besitting, in hulle stede gaan woon het, was: Israeliete, die priesters, die Leviete en die tempelbediendes.

₃En in Jerusalem het gewoon van die seuns van Juda en van die seuns van Benjamin en van die seuns van Efraim en Manasse:

₄Útai, die seun van Ammíhud, die seun van Omri, die seun van Imri, die seun van Bani, van die seuns van Peres, die seun van Juda;

₅en van die Siloniete: Asája, die eersgeborene, en sy seuns;

₆en van die seuns van Serag: Jehúel en hulle broers, seshonderd-en-negentig;

₇en van die seuns van Benjamin: Sallu, die seun van Mesúllam, die seun van Hodáwja, die seun van Hassenúa,

₈en Jíbneja, die seun van Jeróham, en Ela, die seun van Ussi, die seun van Migri, en Mesúllam, die seun van Sefátja, die seun van Réhuel, die seun van Jíbneja;

₉en hulle broers volgens hulle afstamming, negehonderd-ses-en-vyftig; al hierdie manne was familiehoofde van hulle families;

₁₀en van die priesters: Jedája en Jójarib en Jagin,

₁₁en Asárja, die seun van Hilkía, die seun van Mesúllam, die seun van Sadok, die seun van Mérajot, die seun van Ahítub, die vors oor die huis van God;

₁₂en Adája, die seun van Jeróham, die seun van Pasgur, die seun van Malkía, en Máesai, die seun van Ádiël, die seun van Jagséra, die seun van Mesúllam, die seun van Mesíllemit, die seun van Immer;

₁₃en hulle broers, hoofde van hulle families, sewentienhonderd-en-sestig, dapper manne in die dienswerk van die huis van God;

₁₄en van die Leviete: Semája, die seun van Hassub, die seun van Asríkam, die seun van Hasábja, van die seuns van Merári;

₁₅en Bákbakkar, Heres en Galal en Mattánja, die seun van Miga, die seun van Sigri, die seun van Asaf;

₁₆en Obádja, die seun van Semája, die seun van Galal, die seun van Jedútun; en Berégja, die seun van Asa, die seun van Élkana wat in die dorpe van die Netofatiete gewoon het.

₁₇En die poortwagters was: Sallum en Akkub en Talmon en Ahíman en hulle broers; Sallum was die hoof,

₁₈en tot nou toe is hy in die koningspoort teen die ooste; hulle was die poortwagters van die laers van die seuns van Levi.

₁₉En Sallum, die seun van Korē, die seun van Ébjasaf, die seun van Korag, en sy broers uit sy familie, die Koragiete, was oor die dienswerk, as drumpelwagters van die tent, omdat hulle vaders by die laer van die Here die ingang bewaak het.

₂₀En Pínehas, die seun van Eleásar, was vroeër bevelhebber oor hulle. Mag die Here met hom wees!

₂₁Sagaría, die seun van Meselémja, was poortwagter by die ingang van die tent van samekoms.

₂₂Hulle almal wat as drumpelwagters uitgesoek was, was tweehonderd-en-twaalf; hulle is in hul dorpe in die geslagsregister opgeneem. Dawid en die siener Samuel het hulle in hul ampsplig bevestig.

₂₃En hulle met hul seuns was aangestel oor die poorte van die huis van die Here, van die tenthuis, om wag te hou.

₂₄Die poortwagters moes aan die vier windstreke wees, na die ooste, weste, noorde en suide toe.

₂₅En hulle broers, in hulle dorpe, moes van tyd tot tyd vir sewe dae saam met hulle inkom.

₂₆Want in die ampsplig het hulle, die vier owerstes van die deurwagters, gestaan. Van die Leviete was oor die kamers en oor die skatte van die huis van God.

₂₇En hulle moes in die nag rondom die huis van God bly, want hulle het die wag gehad en moes elke môre oopsluit.

₂₈En sommige van hulle was aangestel oor die gereedskap van die diens; want hulle moes dit voltallig inbring en voltallig uitbring.

₂₉En sommige van hulle was aangestel oor die gereedskappe en oor al die heilige voorwerpe en oor die fynmeel en die wyn en die olie en die wierook en die speserye.

₃₀En van die seuns van die priesters was daar mengers van salf uit speserye.

₃₁En Mattítja, uit die Leviete, wat die eersgeborene van die Koragiet Sallum was, het amptelik die toesig oor die bakwerk gehad.

₃₂En van die kinders van die Kehatiete, van hulle broers, moes sorg vir die toonbrode om dit elke sabbat klaar te maak.

₃₃En dit was die sangers, hoofde van families van die Leviete, in die kamers, vry van ander diens; want hulle was dag en nag in hul dienswerk besig.

₃₄Dit was die hoofde van families van die Leviete, hoofde volgens hulle afstamming; hulle het in Jerusalem gewoon.

₃₅En in Gíbeon het die vader van Gíbeon, Jeï-el, gewoon; en die naam van sy vrou was Máäga.

₃₆En Abdon was sy eersgebore seun, dan Sur en Kis en Baäl en Ner en Nadab

₃₇en Gedor en Agjo en Sagaría en Miklot.

₃₈En Miklot was die vader van Símeam; en hulle het ook teenoor hulle broers in Jerusalem saam met hulle broers gewoon.

₃₉En Ner was die vader van Kis, en Kis van Saul, en Saul van Jónatan en Malkisúa en Abinádab en Esbáäl.

₄₀En die seun van Jónatan was Merib-baäl, en Merib-baäl was die vader van Miga.

₄₁En die seuns van Miga was: Piton en Meleg en Tagréa.

₄₂En Agas was die vader van Jaëra, en Jaëra van Alémet en Asmáwet en Simri; en Simri was die vader van Mosa;

₄₃en Mosa was die vader van Bínea; en sý seun was Refája, sý seun Eleása, sý seun Asel.

₄₄En Asel het ses seuns gehad, en dít is hulle name: Asríkam, Bogru en Ismael en Seárja en Obádja en Hanan; dit was die seuns van Asel.