I KRONIEKE 6

₁DIE seuns van Levi was: Gerson, Kehat en Merári.

₂En die seuns van Kehat was: Amram, Jishar en Hebron en Ússiël.

₃En die seuns van Amram was: Aäron en Moses, en Mirjam; en die seuns van Aäron was: Nadab en Abíhu, Eleásar en Ítamar.

₄En Eleásar was die vader van Pínehas; Pínehas van Abisúa;

₅en Abisúa van Bukki; en Bukki van Ussi;

₆en Ussi van Serágja; en Serágja van Mérajot;

₇en Mérajot van Amárja; en Amárja van Ahítub;

₈en Ahítub van Sadok; en Sadok van Ahímaäs;

₉en Ahímaäs van Asárja; en Asárja van Jóhanan;

₁₀en Jóhanan van Asárja; dit is hy wat die priesteramp bedien het in die huis wat Salomo in Jerusalem gebou het.

₁₁En Asárja was die vader van Amárja; en Amárja van Ahítub;

₁₂en Ahítub van Sadok; en Sadok van Sallum;

₁₃en Sallum van Hilkía; en Hilkía van Asárja;

₁₄en Asárja van Serája; en Serája van Jósadak;

₁₅en Jósadak het saamgegaan toe die Here Juda en Jerusalem deur die hand van Nebukadnésar in ballingskap weggevoer het.

₁₆Die seuns van Levi was: Gersom, Kehat en Merári.

₁₇En dit is die name van die seuns van Gersom: Libni en Símeï.

₁₈En die seuns van Kehat was: Amram en Jishar en Hebron en Ússiël.

₁₉Die seuns van Merári was Magli en Musi. En dit is die geslagte van die Leviete volgens hulle families:

₂₀van Gersom — sy seun was Libni, sy seun Jahat, sy seun Simma,

₂₁sy seun Joag, sy seun Iddo, sy seun Serag, sy seun Jéatrai.

₂₂Die seuns van Kehat was: sy seun Ammínadab, sy seun Korag, sy seun Assir,

₂₃sy seun Élkana, en sy seun Ébjasaf, en sy seun Assir,

₂₄sy seun Tahat, sy seun Úriël, sy seun Ussía, en sy seun Saul.

₂₅En die seuns van Élkana was: Amásai en Áhimot en Élkana;

₂₆die seuns van Élkana: sy seun Sófai, en sy seun Nahat,

₂₇sy seun Elíab, sy seun Jeróham, sy seun Élkana.

₂₈En die seuns van Samuel: die eersgeborene Joël, en die tweede Abía.

₂₉Die seuns van Merári was: Magli; sy seun Libni, sy seun Símeï, sy seun Ussa;

₃₀sy seun Símea, sy seun Haggía, sy seun Asája.

₃₁En dit is hulle wat Dawid aangestel het vir die leiding van die sang in die huis van die Here vandat die ark 'n rusplek gevind het.

₃₂En hulle het as sangers gedien voor die tabernakel van die tent van samekoms, totdat Salomo die huis van die Here in Jerusalem gebou het; en hulle het in hul dienswerk gestaan volgens hulle ordening.

₃₃En dit is hulle wat in diens gestaan het saam met hulle seuns: van die seuns van die Kehatiete: Heman, die sanger, die seun van Joël, die seun van Samuel,

₃₄die seun van Élkana, die seun van Jeróham, die seun van Éliël, die seun van Toag,

₃₅die seun van Suf, die seun van Élkana, die seun van Mahat, die seun van Amásai,

₃₆die seun van Élkana, die seun van Joël, die seun van Asárja, die seun van Sefánja,

₃₇die seun van Tahat, die seun van Assir, die seun van Ébjasaf, die seun van Korag,

₃₈die seun van Jishar, die seun van Kehat, die seun van Levi, die seun van Israel.

₃₉En sy broer was Asaf, wat aan sy regterhand gestaan het; Asaf was die seun van Berégja, die seun van Símea,

₄₀die seun van Mígael, die seun van Baäséja, die seun van Malkía,

₄₁die seun van Etni, die seun van Serag, die seun van Adája,

₄₂die seun van Etan, die seun van Simma, die seun van Símeï,

₄₃die seun van Jahat, die seun van Gersom, die seun van Levi.

₄₄En hulle broers, die seuns van Merári, aan die linkerhand, was: Etan, die seun van Kisi, die seun van Abdi, die seun van Mallug,

₄₅die seun van Hasábja, die seun van Amásia, die seun van Hilkía,

₄₆die seun van Amsi, die seun van Bani, die seun van Semer,

₄₇die seun van Magli, die seun van Musi, die seun van Merári, die seun van Levi.

₄₈En hulle broers, die Leviete, was bestemd vir al die dienswerk by die tabernakel van die huis van God.

₄₉Maar Aäron en sy seuns het offerrook laat opgaan op die brandofferaltaar en op die reukofferaltaar, vir al die werk in die Allerheiligste en om versoening te doen vir Israel, net soos Moses, die kneg van God, beveel het.

₅₀En dit is die seuns van Aäron: Eleásar was sy seun, Pínehas sy seun, Abisúa sy seun;

₅₁Bukki sy seun, Ussi sy seun, Serágja sy seun,

₅₂Mérajot sy seun, Amárja sy seun, Ahítub sy seun,

₅₃Sadok sy seun, Ahímaäs sy seun.

₅₄En dit was hulle woonplekke volgens hulle laers in hulle grondgebied — aan die seuns van Aäron, aan die geslag van die Kehatiete, want aan hulle was die eerste lot.

₅₅Aan hulle dan is gegee: Hebron, in die land Juda, met sy weiveld daar rondom;

₅₆maar die saaigrond van die stad en sy dorpe het hulle aan Kaleb, die seun van Jefúnne, gegee.

₅₇En aan die seuns van Aäron het hulle die vrystad Hebron en Libna gegee met die weiveld daarvan, en Jattir en Estemóa met die weiveld daarvan,

₅₈en Hiles met sy weiveld, en Debir met sy weiveld,

₅₉en Asan met sy weiveld, en Bet-Semes met sy weiveld;

₆₀en van die stam van Benjamin: Geba met sy weiveld, en Alémet met sy weiveld, en Ánatot met sy weiveld. Al hulle stede in hulle geslagte was dertien stede.

₆₁En aan die ander seuns van Kehat uit die geslag van die stam, uit die halwe stam, half Manasse, tien stede deur die lot.

₆₂En aan die seuns van Gersom, volgens hulle geslagte, uit die stam van Íssaskar en uit die stam van Aser en uit die stam van Náftali en uit die stam van Manasse in Basan, dertien stede.

₆₃Aan die seuns van Merári volgens hulle geslagte uit die stam van Ruben en uit die stam van Gad en uit die stam van Sébulon deur die lot, twaalf stede.

₆₄En die kinders van Israel het aan die Leviete die stede met hulle weiveld gegee:

₆₅hulle het deur die lot uit die stam van die seuns van Juda en uit die stam van die seuns van Símeon en uit die stam van die seuns van Benjamin hierdie stede gegee wat hulle met die naam genoem het.

₆₆En aan die ander uit die geslagte van die seuns van Kehat — die stede van hulle grondgebied was uit die stam van Efraim.

₆₇En hulle het aan hulle die vrystad Sigem met sy weiveld, op die gebergte van Efraim, en Geser met sy weiveld gegee;

₆₈en Jókmeam met sy weiveld, en Bet-Horon met sy weiveld,

₆₉en Ájalon met sy weiveld, en Gat-Rimmon met sy weiveld;

₇₀en uit die halwe stam van Manasse: Aner met sy weiveld, en Bíleam met sy weiveld — vir die geslag van die ander seuns van Kehat.

₇₁Aan die seuns van Gersom uit die geslag van die halwe stam van Manasse: Golan in Basan met sy weiveld, en Ástarot met sy weiveld;

₇₂en uit die stam van Íssaskar: Kedes met sy weiveld, Dáberat met sy weiveld,

₇₃en Ramot met sy weiveld, en Anem met sy weiveld;

₇₄en uit die stam van Aser: Masal met sy weiveld, en Abdon met sy weiveld,

₇₅en Hukok met sy weiveld, en Rehob met sy weiveld;

₇₆en uit die stam van Náftali: Kedes in Galiléa met sy weiveld, en Hammon met sy weiveld, en Kirjatáim met sy weiveld.

₇₇Aan die ander seuns van Merári uit die stam van Sébulon: Rimmóno met sy weiveld, Tabor met sy weiveld;

₇₈en oorkant die Jordaan van Jérigo, aan die oostekant van die Jordaan, uit die stam van Ruben: Beser in die woestyn met sy weiveld, en Jahas met sy weiveld,

₇₉en Kedémot met sy weiveld, en Mefáät met sy weiveld;

₈₀en uit die stam van Gad: Ramot in Gílead met sy weiveld, en Mahanáim met sy weiveld,

₈₁en Hesbon met sy weiveld, en Jaéser met sy weiveld.