I KRONIEKE 26

₁WAT die afdelings van die poortwagters betref, by die Koragiete het behoort Meselémja, die seun van Korē, van die seuns van Ébjasaf.

₂En Meselémja het seuns gehad: Sagaría, die eersgeborene, Jedíael, die tweede, Sebádja, die derde, Játniël, die vierde,

₃Elam, die vyfde, Jóhanan, die sesde, Eljehóënai, die sewende.

₄Obed-Edom het ook seuns gehad: Semája was die eersgeborene, Jósabad die tweede, Joag die derde en Sagar die vierde en Netáneël die vyfde,

₅Ámmiël die sesde, Íssaskar die sewende, Peülletai die agtste; want God het hom geseën.

₆Ook vir sy seun Semája is seuns gebore wat in hulle familie geheers het, want hulle was dapper helde.

₇Die seuns van Semája was Otni en Réfael en Obed, Élsabad; sy broers, flukse manne: Elíhu en Semágja.

₈Hulle almal was uit die seuns van Obed-Edom, hulle en hul seuns en hul broers, flukse manne, bekwaam vir die diens; twee-en-sestig van Obed-Edom.

₉Meselémja het ook seuns en broers gehad, flukse manne, agttien.

₁₀En Hosa, uit die seuns van Merári, het seuns gehad: Simri was die hoof; wel was hy nie die eersgeborene nie, maar sy vader het hom as hoof aangestel.

₁₁Hilkía was die tweede, Tebálja die derde, Sagaría die vierde; al die seuns en broers van Hosa was dertien.

₁₂Hierdie afdelings van die poortwagters, die gesinshoofde, het die wag gehad net soos hulle broers, om te dien in die huis van die Here.

₁₃En hulle het die lot gewerp, klein en groot, volgens hulle families vir elke poort.

₁₄En die lot vir die ooste het op Selémja geval; ook vir sy seun Sagaría, wat 'n verstandige raadgewer was, het hulle die lot gewerp; en sy lot het uitgekom vir die noorde;

₁₅op Obed-Edom vir die suide; en op sy seuns vir die huis van die voorrade;

₁₆op Suppim en op Hosa vir die weste by die poort Salléget aan die grootpad wat opdraand loop, wag naas wag.

₁₇Vir die ooste was ses Leviete; vir die noorde daagliks vier; vir die suide daagliks vier; maar by die huis van die voorrade telkens twee.

₁₈By die aanbousel, vir die weste, was vier aan die grootpad, twee by die aanbousel.

₁₉Dit was die afdelings van die poortwagters van die seuns van die Koragiete en van die seuns van Merári.

₂₀EN die Leviete, hulle broers, oor die skatte van die huis van God en oor die skatte van die heilige gawes was:

₂₁die seuns van Láedan, die seuns van die Gersoniet Láedan, die familiehoofde van Láedan, die Gersoniet: Jehiëli;

₂₂die seuns van Jehiëli: Setam en Joël, sy broer, was oor die skatte van die huis van die Here.

₂₃Wat die Amramiete, die Jishariete, die Hebroniete, die Ussiëliete betref,

₂₄Sébuel, die seun van Gersom, die seun van Moses, was owerste oor die skatte.

₂₅En wat sy broers, van Eliëser afkomstig, betref, sy seun was Rehábja, en sy seun Jesaja, en sy seun Joram, en sy seun Sigri, en sy seun Selómot.

₂₆Hierdie Selómot en sy broers was oor al die skatte van die heilige gawes wat koning Dawid en die familiehoofde, en die owerstes oor duisend en oor honderd en die leërowerstes, geheilig het —

₂₇van die oorloë en van die buit het hulle dit geheilig om die huis van die Here daarmee uit te rus —

₂₈ook alles wat die siener Samuel geheilig het, en Saul, die seun van Kis, en Abner, die seun van Ner, en Joab, die seun van Serúja — wie ook al iets geheilig het, was onder bewaring van Selómot en sy broers.

₂₉VAN die Jishariete was Kenánja en sy seuns opsigters en regters oor Israel vir die uitwendige sake;

₃₀van die Hebroniete het Hasábja en sy broers, dapper manne, duisend-sewehonderd, die opsig gehad oor Israel, duskant die Jordaan na die weste toe, vir enige werk van die Here en vir die diens van die koning.

₃₁Van die Hebroniete was Jería die hoof — daar is na die Hebroniete volgens hulle afstamming, volgens families, 'n ondersoek ingestel in die veertigste jaar van die koningskap van Dawid, en daar is onder hulle dapper helde gevind in Jaéser in Gílead —

₃₂en sy broers, dapper manne, tweeduisend-sewehonderd familiehoofde; en koning Dawid het hulle aangestel oor die Rubeniete en die Gadiete en die halwe stam van die Manassiete vir enige saak van God en enige saak van die koning.