Numeri 7

₁Op die dag toe Moses die •tabernakel klaar opgerig het, het hy dit gesalf en dit met al die gereedskap, asook die altaar met al die gereedskap, geheilig. Toe hy dit gesalf en geheilig het, ₂het die leiers van Israel, die hoofde van hulle families – dit is die leiers van die stamme, hulle wat met die inskrywing bystand verleen het – offergawes aangebied. ₃Hulle het hulle offergawes gebring na die Here se teenwoordigheid: ses waens met seile oor en twaalf beeste, 'n wa namens twee leiers en 'n bees namens elkeen. Hulle het dit aangebied voor die tabernakel.

₄Die Here het vir Moses gesê: ₅“Aanvaar dit van hulle sodat dit gebruik kan word vir die werk by die Tent van Ontmoeting. Jy moet dit vir die Leviete gee, vir elkeen in ooreenstemming met sy taak.”

₆Moses het die waens en die beeste geneem en dit vir die Leviete gegee. ₇Twee waens en vier beeste het hy vir die nageslag van Gerson gegee, in ooreenstemming met hulle taak. ₈Vier waens en agt beeste het hy vir die nageslag van Merari, onder beheer van Itamar, seun van die priester Aäron, gegee, in ooreenstemming met hulle taak. ₉Maar vir die nageslag van Kehat het hy niks gegee nie, want die hantering van die heilige voorwerpe was hulle verantwoordelikheid. Hulle moes dit op hulle skouers dra.

₁₀Die leiers het offergawes vir die wyding van die altaar aangebied op die dag toe dit gesalf is. Toe die leiers hulle offergawes voor die altaar aanbied, ₁₁het die Here vir Moses gesê: “Laat een leier per dag sy offergawe vir die wyding van die altaar aanbied.”

₁₂Die een wat sy offergawe op die eerste dag aangebied het, was Nagson, seun van Amminadab, uit die stam van Juda. ₁₃Sy offergawe was:

₁₈Op die tweede dag het Netanel, seun van Suar, leier van Issaskar sy offergawe aangebied. ₁₉Hy het die volgende as sy offergawe aangebied:

₂₄Op die derde dag was dit die leier van die nageslag van Sebulon, Eliab, seun van Gelon. ₂₅Sy offergawe was:

₃₀Op die vierde dag was dit die leier van die nageslag van Ruben, Elisur, seun van Sedeür. ₃₁Sy offergawe was:

₃₆Op die vyfde dag was dit die leier van die nageslag van Simeon, Selumiël, seun van Suri-Saddai. ₃₇Sy offergawe was:

₄₂Op die sesde dag was dit die leier van die nageslag van Gad, Eljasaf, seun van Deüel. ₄₃Sy offergawe was:

₄₈Op die sewende dag was dit die leier van die nageslag van Efraim, Elisama, seun van Ammihud. ₄₉Sy offergawe was:

₅₄Op die agtste dag was dit die leier van die nageslag van Manasse, Gamliël, seun van Pedasur. ₅₅Sy offergawe was:

₆₀Op die negende dag was dit die leier van die nageslag van Benjamin, Abidan, seun van Gidoni. ₆₁Sy offergawe was:

₆₆Op die tiende dag was dit die leier van die nageslag van Dan, Agiëser, seun van Ammi-Saddai. ₆₇Sy offergawe was:

₇₂Op die elfde dag was dit die leier van die nageslag van Aser, Pagiël, seun van Ogran. ₇₃Sy offergawe was:

₇₈Op die twaalfde dag was dit die leier van die nageslag van Naftali, Agira, seun van Enan. ₇₉Sy offergawe was:

₈₄Dit was, van die kant van die leiers van Israel, offergawes vir die wyding van die altaar die dag toe dit gesalf is: 12 silwerskottels, 12 silwer-offerbakke, 12 goue bakke. ₈₅Elke silwerskottel was 130 sikkel silwer en elke silwer-offerbak 70 sikkel silwer; al die silwer van die gereedskap was saam 2 400 sikkel volgens die standaardgewig wat in die heiligdom geld. ₈₆Daar was 12 goue bakke vol reukwerk, elke bak was 10 sikkel volgens die standaardgewig wat in die heiligdom geld. Al die goud van die bakke was saam 120 sikkel. ₈₇Al die vee vir die brandoffer was 12 bulle, 12 ramme, 12 jaaroud ramlammers, met die bypassende graanoffer. Daar was 12 bokramme vir die reinigingsoffer. ₈₈Al die vee vir die maaltydoffer was 24 bulle, 60 ramme, 60 bokramme, en 60 jaaroud ramlammers. Dit was die offergawes vir die wyding van die altaar nadat dit gesalf is.

₈₉Wanneer Moses in die Tent van Ontmoeting ingegaan het om met die Here te praat, het hy die stem gehoor wat met hom praat vanaf die versoendeksel op die ark met die Getuienis, van tussen die twee gerubs af. So het die Here met hom gepraat.