1 Kronieke 29

₁Koning Dawid het toe vir die hele geloofsgemeenskap gesê: “My seun Salomo, die een wat God uitgekies het, is nog jonk en onervare. Die taak is omvangryk, want dit is nie vir 'n mens wat die vesting bedoel is nie, maar vir die Here God. ₂Na my beste vermoë het ek vir die huis van my God voorsien: goud vir die goue, silwer vir die silwer-, brons vir die brons-, yster vir die ystervoorwerpe en hout vir die houtwerk; ook •oniksstene en •edelstene as monterings, malagiet en veelkleurige stene, allerlei kosbare stene, en stene van albaster, in oorvloed. ₃Buitendien, uit toegeneentheid teenoor die huis van my God het ek dit wat ek persoonlik besit aan goud en silwer, vir die huis van my God gegee, bo en behalwe alles wat ek vir die •heilige •tempel gereedgekry het: ₄drieduisend kikkar goud, van die goud van Ofir, en seweduisend kikkar gesuiwerde silwer vir die bedekking van die vertrekke se mure – ₅goud vir die goue voorwerpe en silwer vir die silwervoorwerpe, en vir al die werk deur die hand van vakmanne. Wie is bereid om hom vandag so aan die Here toe te wy?”

₆Toe het die leiers van die families, die leiers van die stamme van Israel, die •aanvoerders van duisend en van honderd en die toesighouers in diens van die koning, vrywillige gawes gegee. ₇Hulle het vir die werk aan die huis van die Here in goud vyfduisend kikkar en tienduisend dariek gegee, in silwer tienduisend kikkar, in brons agttienduisend kikkar, en in yster honderdduisend kikkar. ₈Die wat edelstene in hulle besit gehad het, het dit gegee vir die skatkamer van die huis van die Here, onder beheer van Jegiël, die Gersoniet. ₉Die volk was verheug oor die gesaghebbers se bereidwilligheid, want hulle het dit van harte vrywillig vir die Here gegee. Ook koning Dawid was besonder verheug.

₁₀Daarop het Dawid die Here ten aanskoue van die hele geloofsgemeenskap geprys. Dawid het gesê:

₂₀Toe het Dawid vir die hele geloofsgemeenskap gesê: “Prys dan die Here julle God!” Daarop het die hele geloofsgemeenskap die Here, die God van hulle voorouers, geprys. Hulle het gekniel en in eerbied gebuig voor die Here en die koning.

₂₁Die volgende dag het hulle vir die Here offers geslag en brandoffers vir die Here gebring: 'n duisend bulle, 'n duisend ramme, 'n duisend lammers, met die bypassende •drankoffers, en met •maaltydoffers in oorvloed vir die hele Israel. ₂₂Op daardie dag het hulle met groot vreugde voor die Here geëet en gedrink.

Hulle het Salomo, die seun van Dawid, 'n tweede keer as koning ingehuldig. Hulle het hom vir die Here as leier gesalf, en Sadok as priester. ₂₃Salomo het op die troon van die Here gaan sit as koning in die plek van sy vader Dawid. Hy was suksesvol, en die hele Israel was aan hom gehoorsaam. ₂₄Al die leiers en die helde, asook al die seuns van koning Dawid, het hulle aan koning Salomo onderwerp.

₂₅Die Here het Salomo buitengewone aansien gegee in die oë van die hele Israel. Hy het aan hom koninklike majesteit verleen wat geen koning oor Israel voor hom geniet het nie.

₂₆Dawid, seun van Isai, was koning oor die hele Israel. ₂₇Die tydperk wat hy koning was oor Israel, was veertig jaar: In Hebron was hy sewe jaar lank koning, en in Jerusalem was hy drie-en-dertig jaar lank koning. ₂₈Hy het ná 'n vol lewe op 'n rype ouderdom gesterf – met rykdom en aansien. Sy seun Salomo het in sy plek koning geword.

₂₉Die vroeëre en latere geskiedenis van koning Dawid, kyk, dit is opgeteken in die Geskiedenis van die siener Samuel, in die Geskiedenis van die profeet Natan en in die Geskiedenis van die siener Gad, ₃₀met 'n weergawe van sy hele koningskap en sy magtige dade; en ook die lotgevalle wat hom en Israel en al die koninkryke van die aarde oorgekom het.