Psalms 61

₂Hoor my klaagroep, o God,

luister aandagtig na my gebed.

₃Van die einde van die aarde

roep ek na U,

wanneer my moed my begewe.

Lei my na 'n rots

wat vir my te hoog is;

₄want U is vir my 'n skuilplek,

'n versterkte toring teen die vyand.

₅Ek wil vir altyd in u tent vertoef,

ek wil skuil onder die beskutting

van u vlerke. •Sela

₆U is immers die Een wat luister

na my geloftes, o God;

U gee 'n erfdeel aan hulle

wat vir u Naam ontsag het.

₇Vermeerder tog die dae

van die koning se lewe,

mag sy lewensjare geslagte lank duur,

₈mag hy altyd voor God regeer.

Voorsien toewyding en waarheid,

laat dit oor hom wag hou!

₉Só wil ek u Naam vir altyd besing,

om my geloftes dag ná dag te betaal.