Psalms 142

₂Na die Here roep ek hardop om hulp;

by die Here pleit ek hardop om genade.

₃Ek stort voor Hom my klag uit;

voor Hom maak ek my nood bekend.

₄Wanneer my gees in my begin weifel,

is dit U wat my pad ken.

Op die pad wat ek moet loop,

het hulle in die geheim

'n vangnet vir my gespan.

₅As ek regs kyk, sien ek niemand

is my goedgesind nie.

'n Skuilplek is vir my verlore;

niemand is begaan oor my lewe nie.

₆Ek roep na U om hulp, Here.

Ek sê: “U is my skuilplek,

my deel in die land van die lewendes.

₇Gee tog aandag aan my klaagroep,

want ek is baie nietig.

Red my van my vervolgers,

want hulle is te sterk vir my.

₈Lei my uit gevangenskap,

sodat ek u Naam kan prys.

Regverdiges sal om my saamkom

as U aan my goed doen.”