Psalms 113

₁Halleluja!

Loof, diensknegte van die Here,

Loof die Naam van die Here.

₂Mag die Naam van die Here

geprys word,

van nou af tot in ewigheid.

₃Mag, van waar die son opkom

tot waar dit ondergaan,

die Naam van die Here geloof word.

₄Hoog bo al die nasies is die Here;

bo die hemel is sy heerlikheid.

₅Wie is soos die Here, ons God,

wat hoog woon,

₆wat laag afkyk

op die hemel en die aarde –

₇Hy wat hulpeloses

uit die stof laat opstaan,

van die ashoop af behoeftiges verhef

₈om hulle by vooraanstaandes

te laat sit,

by die vooraanstaandes van sy volk,

₉Hy wat aan die onvrugbare

vrou van die huis 'n tuiste gee –

'n gelukkige moeder van kinders.

Halleluja!