Psalms 111

₁Halleluja!

Ek wil die Here prys met my hele hart,

in die kring van opregtes

en in die byeenkoms.

₂Indrukwekkend is die werke

van die Here,

'n bron van nadenke vir almal

wat vreugde daarin vind.

₃Vol luister en glansrykheid

is wat Hy doen,

en sy geregtigheid hou stand vir altyd.

₄Hy het bewerk dat sy wonders

onthou word.

Genadig en barmhartig is die Here.

₅Hy het kos gegee aan wie

vir Hom ontsag het.

Hy hou vir ewig sy verbond in gedagte.

₆Die krag van sy dade het Hy

aan sy volk bekend gemaak

deur die erfdeel van nasies

aan hulle te gee.

₇Die werk van sy hande

is betroubaar en reg.

Betroubaar is al sy opdragte,

₈bestendig vir altyd, vir ewig –

dit word nagekom in trou en opregtheid.

₉Verlossing het Hy vir sy volk gestuur.

Hy het sy verbond vir ewig voorgeskryf.

Heilig en ontsagwekkend is sy Naam.

₁₀Die begin van wysheid

is ontsag vir die Here;

almal wat sy opdragte uitvoer,

het goeie insig.

Sy lof hou vir altyd stand.