Efesiërs 4

₁Daarom spoor ek julle aan, ek, wat ter wille van die Here 'n gevangene is, om so te leef dat julle die roeping waarmee julle geroep is, waardig is: ₂deur mekaar met volkome nederigheid en saggeaardheid, en met geduld in liefde te verdra, ₃en julle daarop toe te lê om die eenheid wat die Gees bewerk, te bewaar deur die band van vrede –

₇Maar aan elkeen van ons is 'n genadegawe geskenk, soos •Christus dit uitgedeel het. ₈Daarom staan daar:

₉“Hy het opgevaar” – waarop anders dui dit as dat Hy eers neergedaal het na die laer dele, die aarde? ₁₀Die Een wat neergedaal het, is dieselfde Een wat opgevaar het tot bo al die hemele, sodat Hy alle dinge kon vul. ₁₁En Hy het sommige as •apostels, ander as profete, ander as evangeliste, en ander as herders en leraars gegee, ₁₂om die •heiliges toe te rus vir hulle dienswerk, om die liggaam van Christus op te bou, ₁₃totdat ons almal kom tot eenheid in geloof en in kennis van die •Seun van God, en tot 'n volwassenheid wat in ooreenstemming is met die volgroeide gestalte van die volheid van Christus. ₁₄Die doel hiervan is dat ons nie meer klein kindertjies sal wees nie, wat deur onstuimige golwe rondgeslinger word en rondgewaai word deur elke wind van lering, deur mense se slinksheid en die gekonkel waardeur hulle dwaling beplan; ₁₅maar dat ons eerder, terwyl ons in liefde aan die waarheid vashou, in alle opsigte na Hom toe sal groei. Hy, Christus, is die Hoof ₁₆uit wie die hele liggaam, harmonieus saamgevoeg en saamgebind, deur die ondersteuning van elke gewrig, volgens die werking van elke deel afsonderlik, die groei van die liggaam bewerk tot sy eie opbou in liefde.

₁₇Dit sê en bevestig ek dan in die Here: Julle moenie meer soos die heidene met hulle niksbeduidende gedagtes leef nie. ₁₈Hulle denke is verduister, hulle is vervreem van die lewe met God, omdat hulle onkundig is, deur die hardheid van hulle harte. ₁₉Omdat hulle gevoelloos geword het, het hulle hulleself oorgegee aan losbandigheid, om onversadigbaar allerhande onrein dade te pleeg.

₂₀Maar julle het •Christus nie so leer ken nie. ₂₁Julle het tog van Hom gehoor, en julle is oor Hom onderrig, volgens die waarheid wat in Jesus is, ₂₂naamlik dat julle, wat julle vroeëre lewenswandel betref, die ou mens moet aflê, wat as gevolg van sy misleidende drange vergaan. ₂₃Julle moet eerder in die aard van julle denke vernuwe word. ₂₄Ja, trek die nuwe mens as kleed aan, wat in ware •geregtigheid en heiligheid in ooreenstemming met God geskep is.

₂₅Daarom, vermy die leuen, en praat elkeen die waarheid met sy naaste, want ons is lede van een liggaam. ₂₆Word kwaad, maar moenie sondig nie. Laat die son nie ondergaan oor julle woede nie. ₂₇Moenie vir die Duiwel plek gee nie.

₂₈Die een wat nog steel, moet nie meer steel nie; hy moet eerder werk deur met sy eie hande te doen wat goed is, sodat hy iets het om vir die behoeftige te gee. ₂₉Nie 'n enkele afbrekende woord moet uit julle mond kom nie, maar eerder 'n woord wat goed is vir noodsaaklike opbou, sodat dit voordeel mag bring vir diegene wat dit hoor. ₃₀En bedroef nie die Heilige Gees van God, deur wie julle met die oog op die dag van bevryding verseël is nie. ₃₁Laat vaar alle bitterheid en woede en gramskap en geskreeu en gelaster, saam met elke vorm van kwaad. ₃₂Wees goedgesind teenoor mekaar, met innige meelewing, terwyl julle mekaar vergewe, soos God in •Christus julle ook vergewe het.