Johannes 1

₆Daar was 'n man, gestuur deur God, wie se naam Johannes was. ₇Hy het tot 'n getuienis gekom om van die lig te getuig, sodat almal deur hom kon glo. ₈Hy was nie die lig nie, maar hy moes van die lig getuig.

₁₅Johannes getuig oor Hom en roep uit: “Hý is die Een van wie ek gesê het, ‘Hy wat ná my kom, is my voor, omdat Hy die eerste was.’ ”

₁₆Uit sy volheid het ons almal genade ontvang – ja, genade op genade. ₁₇Want die wet is deur Moses gegee; die genade en die waarheid het deur Jesus Christus gekom. ₁₈Niemand het God nog ooit gesien nie; die unieke Seun, self God, wat teen die bors van die Vader is, Hy het Hom bekend kom maak.

₁₉En dit is die getuienis van Johannes toe die Jode priesters en Leviete uit Jerusalem na hom gestuur het om hom te vra: “Wie is u?” ₂₀Hy het verklaar, dit nie ontken nie, maar openlik verklaar: “Ek is nie die Christus nie.” ₂₁Hulle vra hom toe: “Wat dan? Is u Elia?” En hy sê: “Ek is nie.” “Is u dié Profeet?” En hy antwoord: “Nee!” ₂₂Hulle sê toe vir hom: “Wie is u? Ons moet 'n antwoord verskaf aan hulle wat ons gestuur het. Wat het u oor uself te sê?” ₂₃Hy antwoord toe,

₂₄Daar was ook afgevaardigdes uit die geledere van die •Fariseërs, ₂₅en hulle het hom gevra: “As u nie die Christus of Elia of die Profeet is nie, waarom doop u dan?” ₂₆Johannes het hulle geantwoord: “Ek doop met water, maar in julle midde staan daar Iemand vir wie julle nie ken nie. ₂₇Hy is die Een wat ná my kom, en ek is nie werd om die riempies van sy sandale los te maak nie.” ₂₈Dit het oorkant die Jordaan in Betanië gebeur, waar Johannes besig was om te doop.

₂₉Die volgende dag sien Johannes Jesus na hom toe kom, en hy sê: “Kyk, die Lam van God wat die sonde van die wêreld wegneem! ₃₀Hy is die Een van wie ek gesê het, ‘Ná my kom 'n Man wat belangriker as ek is, omdat Hy voor my was.’ ₃₁Ook ek het Hom nie geken nie, maar juis daarom het ek gekom en doop ek met water, sodat Hy aan Israel bekend gemaak kan word.” ₃₂En Johannes het getuig: “Ek het die Gees uit die hemel sien neerdaal soos 'n duif, en Hy het op Hom gebly. ₃₃Ook ek het Hom nie geken nie, maar Hy wat my gestuur het om met water te doop, Hy het vir my gesê, ‘Hy op wie jy die Gees sien neerdaal en bly, dit is Hy wat met die Heilige Gees doop.’ ₃₄En ek het gesien en getuig, ‘Hy is die •Seun van God.’ ”

₃₅Die volgende dag het Johannes en twee van sy dissipels weer daar gestaan. ₃₆Toe Jesus verbyloop, het hy stip na Jesus gekyk en gesê: “Kyk, die Lam van God!” ₃₇Die twee dissipels het hom dit hoor sê, en hulle het Jesus gevolg. ₃₈Toe Jesus omdraai en hulle Hom sien volg, vra Hy hulle: “Wat wil julle hê?” En hulle het Hom geantwoord: “Rabbi” – wat, as dit vertaal word, beteken, ‘Meester’, “waar bly U?” ₃₉Hy sê toe vir hulle: “Kom kyk!” Hulle het toe gegaan en gesien waar Hy tuisgaan, en hulle het dié dag by Hom gebly. Dit was omstreeks die tiende uur.

₄₀Andreas, die broer van Simon •Petrus, was een van die twee wat gehoor het wat Johannes sê, en Jesus gevolg het. ₄₁Hy het sy broer Simon eerste teëgekom en vir hom gesê: “Ons het die Messias gevind” – dit is, as dit vertaal word, Christus. ₄₂Hy het hom na Jesus geneem. Jesus het stip na hom gekyk en gesê: “Jy is Simon, die seun van Johannes. Jy sal ‘Sefas’ genoem word,” wat vertaal word Petrus.

₄₃Die volgende dag het Jesus besluit om na Galilea te gaan, en toe Hy Filippus teëkom, sê Hy vir hom: “Volg My!” ₄₄Filippus was afkomstig van Betsaida, die tuisdorp van Andreas en Petrus. ₄₅Filippus loop toe vir Natanael raak en sê vir hom: “Ons het Hom gevind van wie Moses in die Wet geskryf het, en ook die Profete – Jesus wat van Nasaret kom, die seun van Josef.” ₄₆En Natanael vra hom: “Kan daar uit Nasaret iets goeds kom?” Filippus sê vir hom: “Kom kyk!” ₄₇Jesus het Natanael na Hom sien aankom, en sê toe van hom: “Kyk, hy is waarlik 'n Israeliet in wie daar geen bedrog is nie.” ₄₈Natanael vra Hom: “Waarvandaan ken U my?” Jesus het hom geantwoord: “Nog voordat Filippus jou geroep het, toe jy onder die vyeboom was, het Ek jou gesien.” ₄₉Toe antwoord Natanael Hom: “Rabbi, U is die •Seun van God; U is die Koning van Israel!” ₅₀Jesus antwoord hom: “Glo jy omdat Ek jou gesê het dat Ek jou onder die vyeboom gesien het? Jy sal nog groter dinge sien.” ₅₁En Hy sê vir hom: “Amen, amen, Ek sê vir julle: Julle sal die hemel oop sien en die engele van God wat opstyg en neerdaal op die •Seun van die Mens.”