Jesaja 12

₁Jy sal daardie dag sê:

“Here, ek wil U prys,

want U was kwaad vir my,

maar U is nie meer kwaad nie

en U het dit weer goed laat gaan met my.

₂U is die God wat my sal red.

Ek glo dit, en ek sal nie bang wees nie.

Die Here maak my sterk en bly.

Hy is my Redder.”

₃Julle sal bly wees en juig

wanneer julle water skep

uit die Fontein van redding.

₄Julle sal daardie dag sê:

“Prys die Here,

sê vir almal wie Hy is,

vertel vir al die volke

wat Hy gedoen het,

sê vir hulle Hy is belangriker as alles.

₅Sing en prys die Here,

want Hy het 'n wonderlike ding gedoen.

Sê dit vir al die mense op die aarde.

₆Julle wat in Sion woon,

julle moet vrolik wees en juig,

want die Heilige God van Israel is by julle,

en Hy is sterk.”