1 Kronieke 2

₁Die seuns van Israel was Ruben, Simeon, Levi, Juda, Issaskar, Sebulon, ₂Dan, Josef en Benjamin, Naftali, Gad en Aser.

₃Juda en sy Kanaänitiese vrou Bat-Sua het drie seuns gehad. Hulle name was Er, Onan en Sela. Die Here het kwaad geword vir die oudste seun, Er, en die Here het hom laat sterf. ₄Juda en sy skoondogter Tamar het twee seuns gekry, hulle name was Peres en Serag, en toe het Juda vyf seuns gehad. ₅Peres se seuns was Gesron en Gamul. ₆Serag het vyf seuns gehad: Simri, Etan, Heman, Kalkol en Darda. ₇Akar was 'n seun van Karmi. Akar het van die goed gevat wat aan die Here gewy was. Omdat hy dit gedoen het, het die Here baie van Israel se mense laat sterf. ₈Etan het 'n seun gehad, sy naam was Asarja. ₉Gesron se seuns was Jeragmeël, Ram en Kelubai. ₁₀Ram was die pa van Amminadab, en Amminadab was die pa van Nagson, die leier van die Judeërs. ₁₁Nagson was die pa van Salmon, en Salmon was die pa van Boas. ₁₂Boas was die pa van Obed, en Obed was die pa van Isai. ₁₃Isai het sewe seuns gehad: Eliab, Abinadab, Samma, ₁₄Netanel, Raddai, ₁₅Osem en Dawid. ₁₆Hulle susters was Seruja en Abigal. Seruja het drie seuns gehad. Hulle was: Abisai, Joab en Asael. ₁₇Abigal was die ma van Amasa. Amasa se pa was die Ismaeliet Jeter. ₁₈Kaleb seun van Gesron en sy eerste vrou Asuba het 'n dogter gehad, haar naam was Jeriot. Jeriot se seuns was Jeser, Sobab en Ardon. ₁₉Nadat Asuba gesterf het, het Kaleb getrou met Efrat, en hulle het 'n seun gehad, sy naam was Gur. ₂₀Gur was die pa van Uri, Uri was die pa van Besaleël. ₂₁Gesron het later gaan trou met 'n dogter van Makir. Makir was die voorvader van die mense van Gilead. Gesron was toe 60 jaar oud, en hy en hierdie vrou het 'n seun gehad, sy naam was Segub. ₂₂Segub was die pa van Jaïr. In die land Gilead was daar 23 dorpe wat behoort het aan Jaïr. ₂₃Die mense van die land Gesur en die land Aram het die dorpe van Jaïr vir hulleself gevat, en ook die dorp Kenat en die klein dorpies daar naby. Dit was 60 dorpe almal saam. Die mense van hierdie dorpe was almal van die nageslag van Makir, die voorvader van die mense van Gilead. ₂₄Nadat Gesron gesterf het in die stad Kaleb Efrata, het Gesron se vrou Abija nog 'n seun gekry. Dit was Asgur, die voorvader van die mense van Tekoa.

₂₅Gesron se oudste seun, Jeragmeël, en sy vrou Agija se seuns was Ram, Buna, Oren en Osem. ₂₆Jeragmeël het nog 'n vrou gehad. Haar naam was Atara, en sy was die ma van Onam. ₂₇Jeragmeël se oudste seun Ram se seuns was Maäs, Jamin en Eker. ₂₈Onam se seuns was Sammai en Jada. Sammai se seuns was Nadab en Abisur. ₂₉Die naam van Abisur se vrou was Abihajil, en hulle was die ouers van Agban en Molid. ₃₀Nadab se seuns was Seled en Appajim. Seled het nie kinders gehad nie. ₃₁Appajim was die pa van Jisi, Jisi was die pa van Sesan, en Sesan was die pa van Aglai. ₃₂Sammai se broer Jada se seuns was Jeter en Jonatan. Jeter het nie kinders gehad nie. ₃₃Jonatan se seuns was Pelet en Sasa. Dit was die nageslag van Jeragmeël. ₃₄Sesan het nie seuns gehad nie, net dogters. Sesan het 'n Egiptiese slaaf gehad, sy naam was Jarga. ₃₅Sesan het een van sy dogters met sy slaaf Jarga laat trou, en hulle het 'n seun gehad, sy naam was Attai. ₃₆Attai was die pa van Natan, Natan was die pa van Sabad, ₃₇Sabad was die pa van Eflal, Eflal was die pa van Obed, ₃₈Obed was die pa van Jehu, Jehu was die pa van Asarja, ₃₉Asarja was die pa van Geles, Geles was die pa van Elasa, ₄₀Elasa was die pa van Sismai, Sismai was die pa van Sallum, ₄₁Sallum was die pa van Jekamja, en Jekamja was die pa van Elisama.

₄₂Hier is die name van die nageslag van Jeragmeël se broer Kaleb: Sy oudste seun was Mesa, hy was die voorvader van die mense van Sif. Die mense van Maresa was die voorouers van die mense van die stad Hebron. ₄₃Die nageslag van die mense van Hebron was die mense van die stede Korag, Tappuag, Rekem en Sema. ₄₄Die mense van Sema was die voorouers van die mense van die stad Ragam, en hulle was die voorouers van die mense van Jorkoam. Die mense van Rekem was die voorouers van die mense van die stad Sammai. ₄₅Die mense van die stad Maon was die nageslag van die mense van Sammai, en die mense van Maon was die voorouers van die mense van die stad Bet-Sur. ₄₆Kaleb en sy byvrou Efa was die ouers van Garan, Mosa en Gases. Garan was die pa van Gases. ₄₇Die seuns van Jodai was Regem, Jotam, Gesan, Pelet, Efa en Saäf. ₄₈Kaleb en sy byvrou Maäka was die ouers van Seber en Tirgana. ₄₉Hulle was ook die ouers van Saäf, die voorvader van die mense van die stad Madmanna. Kaleb en Maäka was ook die ouers van Sewa, die voorvader van die mense van die stede Makbena en Giba. Aksa was 'n dogter van Kaleb. ₅₀Dit was die nageslag van Kaleb. Die nageslag van Gur, die oudste seun van Efrata, was: Sobal, die voorvader van die mense van die stad Kirjat-Jearim, ₅₁Salma, die voorvader van die mense van die stad Betlehem, en Garef, die voorvader van die mense van die stad Bet-Gader. ₅₂Sobal, die voorvader van die mense van Kirjat-Jearim, was ook die voorvader van die mense van Haroê en van die helfte van die mense van Menugot. ₅₃Die mense in Kirjat-Jearim was van die families Jeter, Put, Suma en Misra. Die mense van die stede Sora en Estaol was van hulle nageslag. ₅₄Die nageslag van Salma was die mense van Betlehem, Netofa, Atrot-Bet-Joab, en die ander helfte van die mense van Menugot, en die Sora-mense. ₅₅Die skrywersfamilies het in Jabes gewoon. Hulle was die families Tira, Sima en Soka. Hulle was Keniete, die nageslag van Gammat. Gammat was ook die voorvader van die Rekab-familie.