Psalms 13

₂Here, hoe lank sal U my nog vergeet,

hoe lank sal U nog aanhou

om u gesig weg te draai van my?

₃Hoe lank moet ek nog self planne probeer maak,

hoe lank moet ek elke dag huil en treur,

hoe lank sal my vyande nog dink

dat hulle sterker is as ek?

₄Here my God, U moet luister en my antwoord,

U moet vir my nuwe lewe gee, sodat ek nie sterf nie,

₅sodat my vyande nie kan sê dat hulle gewen het

teen my nie,

sodat hulle nie sal juig omdat ek geval het nie.

₆En ek?

Ek glo dat U sal doen wat U belowe het.

Ek sal juig, want U sal my red,

ek sal vir die Here sing

omdat Hy goed gedoen het aan my.