Esegiël 15

₁Ek het gehoor die Here sê vir my: ₂“Mens, die hout van 'n wingerdstok is nie beter as enige ander hout wat in die bos groei nie. ₃Niemand gebruik dit om iets te maak nie. Niemand gebruik wingerdhout om 'n haak te maak sodat hy iets aan die haak kan hang nie. ₄Luister, wanneer 'n mens hout in die vuur sit, dan brand dit by die twee punte en in die middel. Dit is dan nie meer goed nie, jy kan dan nie meer iets daarvan maak nie. ₅Wanneer wingerdhout nog nie gebrand het nie en dit 'n heel stuk hout is, dan kan 'n mens niks daarvan maak nie. En wanneer dit gebrand het, dan kan 'n mens dit glad nie gebruik nie.”

₆Die Here, Hy wat Here is, sê: “Daarom, Ek het die wingerdhout tussen die bome in die bos gemaak om dit te verbrand. Ek sal dieselfde doen met die mense wat in Jerusalem woon, Ek sal hulle verbrand. ₇Ek het hulle vyand geword. Hulle sal uit die vuur vlug, maar die vuur sal hulle brand. En julle sal weet dat Ek die Here is wanneer Ek hulle vyand geword het. ₈Ek sal die land verwoes, niemand sal daar kan woon nie omdat die mense wat daar woon, ontrou is.”

Dit het die Here gesê, Hy wat Here is.