1 Kronieke 4

₁Die seuns van Juda was Peres, Gesron, Karmi, Gur en Sobal. ₂Reaja seun van Sobal was die pa van Jagat, en Jagat was die pa van Agumai en Lagad. Hulle was die Sora-families. ₃Etam was die pa van Jisreël, Jisma en Jidbas. Hulle suster se naam was Selelponi. ₄Penuel was die pa van Gedor, en Eser was die pa van Gusa. Hulle was die nageslag van Gur, die oudste seun van Efrata, die voorvader van die mense van Betlehem. ₅Asgur, die voorvader van die mense van Tekoa, het twee vroue gehad, hulle name was Gela en Naära. ₆Asgur en Naära se seuns was Agussam, Gefer, Temni en Agastari. ₇Asgur en Gela se seuns was Seret, Sogar en Etnan. ₈Kos was die pa van Anub en Sobeba. Garum was die voorvader van die Agargel-families. ₉Jabes was belangriker as sy broers. Sy ma het hom Jabes genoem. Sy het gesê: “Ek gee hierdie naam vir hom omdat ek baie pyn gehad het toe hy gebore is.”

₁₀Jabes het tot die God van Israel gebid en gesê: “Ek bid dat U my baie sal seën en dat U baie grond vir my sal gee. Ek bid dat U my sal beskerm, sodat dit nie sleg sal gaan met my nie en sodat ek nie sal seerkry nie.”

God het alles laat gebeur wat Jabes gevra het.

₁₁Kelub, die broer van Suga, was die pa van Megir, en Megir was die pa van Eston. ₁₂Eston was die voorvader van die mense van Bet-Rafa, Paseag en Teginna. Teginna was die voorvader van die mense van Ir-Nagas. Hulle was die Reka-mense. ₁₃Die seuns van Kenas was Otniël en Seraja, en die seuns van Otniël was Gatat. ₁₄Meonotai was die pa van Ofra, en Seraja was die pa van Joab. Joab was die voorvader van die mense van Ambagsman-vallei, want die mense daar was ambagsmanne. ₁₅Kaleb was die seun van Jefunne, en die seuns van Kaleb was Iru, Ela en Naäm. Die seun van Ela was Kenas. ₁₆Die seuns van Jehallelel was Sif, Sifa, Tireja en Asarel. ₁₇Die seuns van Esra was Jeter, Mered, Efa en Jalon. Mered was die pa van Mirjam, Sammai en Jisbag. Jisbag was die voorvader van die mense van Estemoa. ₁₈Mered en sy Judese vrou was die ouers van Jered, Heber en Jekutiël. Jered was die voorvader van die mense van Gedor, Heber was die voorvader van die mense van Soko, en Jekutiël was die voorvader van die mense van Sanoag. Die ander seuns van Mered was kinders van sy vrou Bitja. Bitja was 'n dogter van die farao. ₁₉Naham was die voorvader van die mense van Keïla. Naham se suster was getroud met Hodija, en hulle twee was die voorouers van die mense van Gerem, Estemoa en Maäka. ₂₀Die seuns van Simon was Amnon, Rinna, Ben-Ganan en Tolon. Die seuns van Jisi was Soget en Ben-Soget. ₂₁Sela was die seun van Juda, en Sela se seuns was Er en Lada. Er was die voorvader van die mense van Leka. Lada was die voorvader van die mense van die stad Maresa en van die families wat met linne gewerk het, hulle was van die stad Bet-Asbea. ₂₂Sela se ander seuns was Jokim en Koseba, Joas, Saraf en Jasubi-Legem. Die land Moab het aan Saraf behoort. Al hierdie name was in ou lyste van families se name. ₂₃Hierdie mense was pottebakkers wat in die stede Netaïm en Gedera gewoon het. Hulle het vir die koning gewerk, daarom het hulle daar gewoon.

₂₄Die seuns van Simeon was Nemuel, Jamin, Jarib, Serag en Saul. ₂₅Saul was die pa van Sallum, Sallum was die pa van Mibsam, en Mibsam was die pa van Misma. ₂₆Die seuns van Misma was Gammuel, Sakkur en Simeï. ₂₇Simeï het 16 seuns en ses dogters gehad, maar sy broers het nie baie kinders gehad nie. Hulle families almal saam was minder as die nageslag van Juda. ₂₈Die Simeon-stam het gewoon in die stede Berseba, Molada, Gasar-Sual, ₂₉Bilha, Esem, Tolad, ₃₀Betuel, Siklag, ₃₁Bet-Markabot, Gasar-Susim, Bet-Biri, en Saärajim. Hierdie stede het aan die Simeon-stam behoort totdat Dawid koning geword het. ₃₂Hulle het ook vyf kleiner dorpies gehad, die dorpies was Etam, Ajin, Rimmon, Token en Asan. ₃₃Hulle het ook nog al die klein dorpies gehad wat rondom hulle stede was, tot by die stad Baäl. Dit is waar die Simeon-stam gewoon het, en hulle name is geskryf in die naamlys.

₃₄Ander leiers in die families was: Mesobab, Jamlek, Josa seun van Amasja, ₃₅Joël, Jehu seun van Josibja seun van Seraja seun van Asiël, ₃₆Eljoënai, Jaäkoba, Jesogaja, Asaja, Adiël, Jesimiël, Benaja, ₃₇Sisa seun van Sifi seun van Allon seun van Jedaja seun van Simri seun van Semaja. ₃₈Hulle name is geskryf in die naamlys en hulle was leiers in hulle families. Hulle het baie groot families gehad. ₃₉Hulle het getrek tot naby die stad Gedor, oos van die vallei. Hulle het weiveld gesoek vir hulle skape en bokke, ₄₀en hulle het vrugbare grond en goeie weiveld gekry. Die land was oop na al die kante toe en dit was stil en veilig. Voorheen het mense van die land Gam daar gewoon, ₄₁maar in die tyd toe koning Hiskia van Juda regeer het, het hierdie mense van die Simeon-stam daarnatoe gekom, hulle name was geskryf in die naamlys. Hulle het die Gam-mense oorwin en hulle woonplekke gevat. Hulle het ook die Meüniete oorwin wat hulle daar gekry het. Hulle het al die mense doodgemaak en hulle het daar gaan woon in die Meüniete se plek, want daar was weiveld vir hulle skape en bokke. ₄₂Daar was 500 manne van die Simeon-mense wat na die Seïr-berge gegaan het. Hulle leiers was Pelatja, Nearja, Refaja en Ussiël seun van Jisi. ₄₃Hulle het die Amalekiete wat oorgebly het, doodgemaak, en hulle woon nou nog daar.