Mathomong

Mathomong Modimo o hlodile legodimo le lefase.

Lefase le be le se na sebopego, ebile le se na selo … e be e le leswiswi.

Ke moka Modimo a re: “A go be le seetša!” Gomme seetša sa ba gona.

Modimo a bona seetša e le se sebotse. E be e le letšatši la pele.

Ka letšatši la bobedi Modimo a hlola leratadima le maru.

Gomme Modimo a kgahlwa ke seo a se bonago.

Ka letšatši la boraro Modimo a dira gore mobu o bonagale. Modimo a bitša mobu “lefase”.

Mogobegobe wa meetse a o bitša “lewatle”.

Gomme Modimo a kgahlwa ke seo a se bonago.

Ke moka Modimo a hlola dimela tše di enywago peu, a hlola le dihlare tše di enywago dikenywa.

Gomme Modimo a kgahlwa ke seo a se bonago.

Ka letšatši la bone Modimo a hlola letšatši gore le bonege lefaseng.

Modimo a hlola le ngwedi le dinaledi gore di bonego bošego.

Gomme Modimo a kgahlwa ke seo a se bonago.

Ka letšatši la bohlano Modimo a tlatša lewatle ka diphedi tša mehutahuta. A hlola diphedi tše kgolokgolo tša lewatle le tšona dihlapi tše dinnyane.

Gomme Modimo a kgahlwa ke seo a se bonago. A laela diphedi tša ka meetseng gore di tlale lewatle.

Modimo a hlola le dinonyana tša mehutahuta, gomme a kgahlwa ke seo a se bonago.

Modimo a re: “Lefaufau a le tlale dinonyana.”

Ka letšatši la boselela Modimo a hlola diphoofolo. Gwa ba le tša ka gae. Tša lešoka le tšona tša ba gona. Gomme Modimo a kgahlwa ke seo a se bonago.

Modimo a re: “A re bopeng batho.”

Ka gona Modimo a bopa batho. A ba bopa e le monna le mosadi. Modimo a re: “Le ate, le tlale lefase. Le laole dihlapi le dinonyana le diphoofolo ka moka.”

Gomme gwa ba bjalo.

Modimo o be a phethile mošomo wa gagwe. A šegofatša letšatši leo la bošupa, gomme a le kgetha gore ke la go khutša.

Modimo a lebelela tšohle tše a di hlodilego, gomme a bona di le botse kudu.

Genese 1:1 – 2:4

Mešongwana: