Jesu monyanyeng wa lenyalo

Ka letšatši le lengwe go be go na le monyanya wa lenyalo. E be e le motseng wa Kana. Jesu le barutiwa ba gagwe le bona ba be ba memilwe monyanyeng woo. Le mmago Jesu o be a le gona.

Batho ba felelwa ke beine. Mmago Jesu a re go Jesu: “Ga ba sa na beine.”

Eupša Jesu a mo fetola a re: “Mma, etse tša ka o di tsena bjang? Gape nna nako ya ka ga sešo ya fihla.”

Ke moka mmagwe a re go bahlanka: “Le dire tšohle tše a le botšago tšona.”

Go be go na le dipitša tše di selelago tša maswika. Jesu a re go bahlanka: “Tlatšang dipitša tšeo meetse.” Ba di tlatša pshi.

Ya ba Jesu o botša bahlanka o re: “Bjale egang le išetše moswaramarapo.” Ba mo išetša.

Moswaramarapo a nwa. Fela e be e se sa le meetse. A be a fetogile beine. Naa beine yeo e be e etšwa kae? Moswaramarapo o be a sa tsebe mo beine yeo e tšwago gona. Ka gona a bitša monyadi a re go yena: “Batho ka moka ba thoma ka go ntšha beine ye bose; ge batho ba nwele go kgolwa, ba kgone ba ntšha ye e sego bose kudu. Fela wena ke gona o ntšhitšego ye bose gonabjale!”

Mohlolo wo wa mathomo Jesu o o dirile Kana. Go tloga ka yona nako yeo barutiwa ba gagwe ba thoma go mo dumela.

Johanese 2:1-11

Mešongwana: