Tema ya mehlare ka Bibeleng – Letšatši la 13

Magarenata ke dikenywa tša go kgahliša, tše botse tša go se swane le tše dingwe. A ka lekana le apola ka bogolo ka letlalo la go tia, la mokgopa le le khubedu goba pinki. Ge o bula legarenata, otla bona gore bogare bja lona bo arogantšwe ka maboto a letlalo le le šweu la go galaka gomme mo magareng ga lona ke dipeu tše ntši tše khubedu tše nnyane, tša meetse a bose. Go bolela ka tšona go 1 Dikgoši 7:13-22, moo seenywa se bontšhitšwego ke dikokwane tše pedi tšeo di bego di eme pele ga tempele ye Kgoši Solomone a e agilego kua Jerusalema. Go ukangwa gore Kgoši Solomone o dirile mphapahlogo wa gagwe go ya ka “mphapahlogo” wa mogarenata.

Mehlare ya magarenata ke sešupo se tseneletšego go batho ba bantši. Setšo sa Borabi se dumela gore dipeu tše tša mogarenata ke nomoro ya 613 — e tee ke molao o tee wa melao ye 613 ka gare ga Tora. Mogarenata gantši o bonwa go diswantšho tše di thadilwego le dihlwadieme tša Kgarebe Maria le ngwana Jesu bjalo ka sešupo sa go tsoga bahung le bophelo bjo bo sa felego.

Ka lebaka la dipeu tša wona tše ntši, megarenata e ka ba sešupo sa kereke ya Bakriste, moo dipeu di emelago badumedi ba bantši bao ba bopago kereke e tee ya lefase. Peu ye nngwe le ye nngwe, bjalo ka o tee le o tee w arena, e feletše ka boyona, eupša ka moka di bopa kakaretšo e kgolo ye e phethagetšego.