Tema ya mehlare ka Bibeleng – Letšatši la 1

Mehlare e bohlokwa ka Bibeleng ka moka – Phetolelo ya  King James ya Bibele e bolela ka maina a 37 a mehlare ya go fapanafapana. Mehuta ye mengwe bjalo ka mosaeprese, mogohlo le morekure e tšwelela ga tee fela. E mengwe, e tsebjago mopalema, mohlware, mogo, le mosedere, e tšwelela gantši. Kgwedi ye re tla be re sepela ka go nanya ka gare ga sethokgwa sa mehlare ye e hwetšwago ka Bibeleng le go ithuta bohlokwa bja yona.

Pele re thoma ka go lebelela bohlokwa bja mehlare ya go fapanafapana ka Bibeleng, a re lebelele dipharologantšho tše nne tša mehlare ye rena bjalo ka Bakriste re bileditšwego go e ekiša.

Ge e ba re ya go ba bjalo ka mehlare, re swanetše go bjalwa, re tšweletše, re kgahliše gape re atlege.

Mehlare e a bjalwa. Ge e ba re ya go ba bjalo ka mohlare, re swanetše go thoma ka go bjalollwa, re ntšhwe go maphelo a rena a kgale le go ba tswalanong e mpsha le Kriste. Gomme go bohlokwa gore re bjalollwe ke Modimo ka gobane, bjalo ka ge Mateu 15:13 e re botša “A fetola, ‘Semela sefe le sefe se se sego sa bjalwa ke Tate wa legodimong se tla tumulwa.’ ”

Mehlare e a tšweletša. Lemoga sekafoko “… o bjetšego moeleng wa meetse …” Ge mohlare o sa bjalwa kgauswi le meetse gore medu ya wona e kgone go otlologa le go goga meetse, o tla pona gomme wa hwa. Ge Modimo a be a go bjala, o go bjetše kgauswi le mothopo wa gago wo o fago bophelo gore o gole le go atlega gomme o tšweletše go yena – Moya wo Mokgethwa. Medu ya gagwe e tsenyeletšwa go mothopo wo wa go fa bophelo wo o go kgontšhago go tšweletša dikenywa tša moya.

Gosasa re tla lebelela se mehlare e ka re rutago sona ka go kgahliša le go atlega.