Seswantšho se segolo – Letšatši la 21

Kgwedi e fetilego, re lebeletše lefase le rena ka dilense tša khamera. Bibele e hlahlile dikgopolo tša rena gore re kgone go kwešiša tšohle. Ke holofela gore seo gape e be e le maitemogelo a gago.

Re mafelelong a leeto. Ke nagana gore bontši bja rena re tla lebelela diswantšho ka tsela e fapanego go tloga ga bjale go ya pele. Le ge go le bjalo, go sa na le potšišo e tee ye e swanetšego go fetolwa. Naa khamera e tla tšea seswantšho se se bjang ge e go tšea seswantšho? Go tla tšwelela eng ge o tšewa diswantšho ka gae goba mošomong? Seswantšho se sennyane se tla lebega bjang? Naa se tla tsena bjang go seswantšho se segolo?

Se se nkgopotša ge ke be ke le kua Paris, France. Seswantšho se segolo e be e le Notre Dame Cathedral e botse gomme seswantšho se sennyane se se tšerwego, se bontšhitše gore e be e no ba fela lefelo le baeng ba yago go lona. Ke be ke le kua Torodi, Niger, letšatši pele ga leo. Ke tšere seswantšho sa kereke, gore ke kgone go bontšha bonnyane bja seswantšho se segolo sa ka fao Bakriste ba phelago ka gona tikologong e e tletšego lehloyo. E be e le moago o monnyane o o nago le mebete ya mabjang yeo e bopilwego maboto le tlhaka. Moago ka moka o be o sa kgabišwa gomme o fokola. Le ge go le bjalo, seswantšho se sennyane se boletše ka setšhaba sa Bakriste ba ba bego ba kopana kgafetšakgafetša, go sa šetšwe maemo a thata. Batho ba ba be ba se na dihlong gomme ba ikgafile tumelong ya bona.

Bophelo bo na le diphapano gomme re swanetše go fetoga le maemo go itlwaetša maemo leetong la rena. Go nyakega kwešišo ya maikutlo le monagano ya se se diregago maphelong a rena. Go ya ka nna, se ke se Paulose a bego a se hlaloša – go ba le pono e botse le boitshwaro go bophelo, go sa šetšwe maemo a rena.

Anke ge khamera e go latela, bobedi seswantšho se segolo le seswantšho se sennyane di hlagiše seswantšho le boitshwaro bja motho yo a naganago gabotse, yo dikgopolo tša gagwe di bontšhago se.

Anke se e be nnete go wena.