Re bolokegile go Jesu Kriste – Letšatši la 7

Go na le dinako maphelong a rena le maemong a rena a mošomo moo re lapago. Ge se se tšwela pele, re swanetše ke go latela keletšo le thušo ya ba bangwe, le go fokotša ditiro tša rena. Ga se selo se bonolo go se dira.

Dafida o bile le nakwana e bjalo ya go dira sephetho mengwageng ya gagwe ya ka morago. Dafida o tumile la pele bjalo ka modiši o monnyane wa mošemane morago ga go bolaya tšitširipa, Goliate. Tiro ya gagwe ya sebete e dirile gore Kgoši Saulo a mo rate ka ge e phološitše Israele go fenywa.

Mengwaga e mentši e fetile gomme morago ga ditlhohlo, Dafida ga bjale e be e le kgoši. Gape, Bafilista ba lwele le Baisraele. Dafida o eteletše pele madira a gagwe ntweng, eupša a lapa. Dafida o be a šetše a tšofetše gomme maatla a gagwe, ge a sa phetše gabotse, a be a tsebega.

Tšitširipa ye leina la yona e bego e le Jishbi-Benobo e naganne gore e ka bolaya Dafida gomme e ka ba e atlegile. Eupša Abishai, morwa wa Tseruya, a thuša Dafida, a hlasela tšitširipa yeo gomme a e bolaya. Ka gona, a phološa bophelo bja malome wa gagwe.

Dafida o phethagaditše kholofetšo ye a e dirilego go banna ba gagwe letšatši leo. O enne gore a ka se tsoge a ile le bona gape ntweng, eupša o tšwetše pele go buša setšhaba sa gagwe go fihla a hlokafala a na le mengwaga e 71, morago ga go buša mengwaga ya go feta e 40.

Maemong a rena, re swanetše ke go kgatha tema ya Abishai gomme re phološe motho yo mongwe yo a hlokago thušo. Rena ba tumelo ye e tiilego re swanetše go rwadiša ba tumelo ye e fokolago mathata a bona mo go tša tumelo. Baroma 15:1

Go na le dinako moo rena, gape, re lapago gomme re se sa šoma gabotse ka mo re nyakago. Ge nako yeo e fihla, eka Modimo a re fe bohlale go e tseba le go amogela gabonolo keletšo le thušo ya ba bangwe.