Thapelo – Letšatši la 12

Ka go Testamente ye Tala le Testamente ye Mpsha go na le tlhologelo e kgolo ya nako ge Modimo a tla buša lefase ka letago la gagwe ka moka le maatla, le go feta mo dinakong tše re phelago go tšona. Re hlologetše mmušo wa Modimo magareng ga rena, wo o tlago buša ke toka le lerato, gomme moo ntwa, bohloki le bodutu di tla bago di se gona.

Dikgopelo tša “Tatewešo” di bolela gore, ge re rapela, ka tsela ye nngwe re na le seabe go se se diregago le gore dithapelo tša rena di tla tliša se re se rapelelago. Bothata ke gore ka nako ye nngwe karabo ya Modimo go dithapelo tša rena ga se se re se letetšego. Ka dinako tše dingwe re nyaka go botša Modimo ka fao a swanetšego go araba.

Lega go le bjalo, ge re rapela re tliša tsebo e mpsha le botebo go tumelo ya rena, go ditswalano tša rena le ba bangwe le go ditiragalo tše di diregago maphelong a rena. Gomme ka tsela ye re phedišanago le batho le lefase le re phelago go lona, re tliša karolo ya legodimo lefaseng – mohlomongwe e se ka tsela e phethagetšego ya Modimo eupša ka tirelo ya rena ya boikokobetšo mmušong wa gagwe.