Bible Society of South Africa
Dithulaganyo tša go bala
Mošomong le Modimo
Mošomong le Modimo – Letšatši 12

Mošomong le Modimo – Letšatši 12

Šomela lehumo la mmakgonthe

(Di)temana ya Bibele

MATEU 6

Go balabala ga motho mabapi le tše a di hlokago

24“Ga go motho yo a ka hlankelago marena a mabedi; o tla hloya yo mongwe, a rata yo mongwe; a botegela yo mongwe, a nyatša yo mongwe. Le ka se kgone go hlankela Modimo le mahumo ka nako e tee.

MATEU 6:24NSO00Bula go Mmadi wa Bibele

MATEU 6

Go ipolokela mahumo legodimong

19“Le se ke la ipolokela mahumo mo lefaseng mo go nago le ditšhwele le diji, le mo go thubago mahodu a utswa. 20Lena le ipolokele mahumo legodimong mo tšhwele le diji di sa kgonego go senya, mo go sa thubego mahodu a utswa. 21Gobane mo go lego lehumo la motho ke mo go bago pelo ya gagwe.”

MATEU 6:19-21NSO00Bula go Mmadi wa Bibele

MATEU 6

31“Ka gona le se ke la balabala la re: ‘Na re tla ja eng, re tla nwa eng, re tla aparang?’ 32Tšeo ka moka ke tše baditšhaba ba dulago ba balabala ka tšona. Tatagolena wa legodimong o a tseba gore tšohle tšeo le phela ka tšona. 33Lena sa pele le šomele mmušo wa Modimo le tše Modimo a nyakago gore le di phethe, gomme tše dingwe tšeo ka moka o tla le okeletša ka tšona.

MATEU 6:31-33NSO00Bula go Mmadi wa Bibele

DIEMA 3

13Go lehlogonolo motho yo a ikhweletšago bohlale,

yo a ikhweletšago kwešišo.

14Bohlale bo na le poelo go feta silibera,

mohola wa bjona o phala wa gauta.

15Bohlale bo feta magakabje ka bohlokwa;

ga go se o ka se nyakago, ngwanaka,

se se swanago nabjo.

DIEMA 3:13-15NSO00Bula go Mmadi wa Bibele

1 TIMOTHEOSE 6

17O laele ba ba humilego ka tša lefase le gore ba se ikgogomoše goba ba bota ona mahumo a a felago, ba upše ba bote Modimo yo a re fago tšohle ka bontši gore re ipshine ka tšona. 18O ba laye gore ba dire tše di lokilego, ba ikhumiše ka mediro ye mebotse, ba se timane, eupša ba ikemišetše go abelana le ba bangwe. 19Ka tsela yeo ba tla ipolokela lehumo le e tlago ba motheo wo o tiilego wa ka moso. Ke mo ba tlago kgona go fihlela bophelo bjo e lego bja mmakgonthe.

1 TIMOTHEOSE 6:17-19NSO00Bula go Mmadi wa Bibele

1 PETROSE 5

7Mathata a lena ohle le a lahlele go yena, gobane o a le šetša.

1 PETROSE 5:7NSO00Bula go Mmadi wa Bibele

BAFILIPI 4

6Le se balabale ka selo; sengwe le sengwe se le se nyakago le se kgopele go Modimo ka moya wa thapelo le tebogo. 7Ke mo Modimo a tlago le phefiša go ja pelo le go tshwenyega le le ba Kriste Jesu, mo e lego gore ga go motho yo a kago kwešiša.

8Banabešo, ke fetša ka gore le dule le nagana fela ka tšohle tše e lego tša nnete, tšohle tše di tumišegago, tšohle tše e lego tša go loka, tšohle tše di hlwekilego, tšohle tše di kgahlišago, tšohle tše di dirago gore motho a retwe – a ke re tšohle tše di dirago gore motho e be mothomotho mme a tumišwe ke batho – tšeo ke tšona tše le swanetšego go dula le di nagana. 9Le dire tše le ithutilego tšona go nna le tše le di amogetšego go nna, e ka ba tše le kwelego ke di bolela goba ke di dira. Gomme Modimo yo a re fago khutšo o tla ba le lena.

BAFILIPI 4:6-9NSO00Bula go Mmadi wa Bibele

Batho ba bantši ba nagana gore go ikgobokeletša lehumo le dithoto ke wona morero wo mogolo bophelong. Eupša, Bibele e re ruta gore lehumo leo ke la nakwana. Bokotsi bja gona ke gore tumo ya rena ya go ka ikgobokeletša tša lefase e ka laola bophelo bja rena ge re ka se šetše.

Re ka se hlankele marena a mabedi, Modimo le lehumo. Re swanetše go šoma ka fao Modimo a lebeletšego gore re šome ka gona le go ikgobokeletša lehumo la mmakgonthe la go ya go ile. Bibele e bitša se go ipolokela mahumo legodimong. Ge re bea Modimo pele go tšohle tše re di dirago, gona re ka se tshwenyege ka dinyakwa tša rena tša letšatši ka letšatši.

Bible Society of South Africav.4.26.9
RE HWETŠE GO