Modimo ke Mang? – Letšatši la 4

Leina le bohlokwa. Ke tsela ye motho a fapantšhwago bjalo ka motho gomme o fiwa seriti; ga go motho yo a ka thabelago go bitšwa “mošemane” goba “mosetsana” goba “selo” bophelo bja gagwe ka moka. Leina la gago le bontšha yo o lego yena; ke tsela ye ka yona o tsebišwago go motho yo mongwe le ka fao motho yoo a tlago go bitša ka morago.

Leina ka tlwaelo gape le na le tlhalošo, ye gantši e bontšhago seriti, semelo, goba tlhago ya mong wa lona. Go batswadi bao ba tlago ba le ngwana se se baka mošomo o boima wa go kgetha leina la maleba la ngwana wa bona, gomme gantši go tšea lebaka la dikgwedi tše senyane go dira seo.

Go Lengwalo la lehono, re na le mohlala wo o makatšago wa Hagare, ngwanenyana wa lekgoba a efa Modimo leina. Ga A mmitše ka leinaina, eupša ka boitemogelo bja gagwe bja e tee ya dipharologantšho tša Gagwe. Go yena ke “Modimo yo A bonago”.

Go se swane le Abramo, ga a ba le monyetla wa go etelwa ke Modimo ka sebele, lega go le bjalo ditiro tša Modimo di bontšha gore O be a mmona, mosetsana wa lekgoba, e le lekgoba la mong wa gagwe Abramo. Ge e le gabotse, e bile go fela pelo ga Abramo le mosadi wa gagwe Sarai go bona dikholofetšo tša Modimo di direga, ka gare ga boemo bjo bo bonalago bo se na kholofelo, bjo bo bakilego boemo bjo šoro bja Hagare.

Modimo O holofeditše Abramo gore O tla dira setšhaba se se ntši ka yena ka bana ba gagwe, le ge Sarai e be e le moopa gomme a fetile nako ya go ka belega bana. Abramo le Sarai ba šomišitše mabaka a fošagetšego le lotšiki go hlaloša kholofetšo ya Modimo, gomme ba šomiša lekgoba la mosetsana la Sarai go ba belegela ngwana. Gomme ge Modimo, ka nako ya Gagwe, a dira mohlolo gomme Sarai a belega Isaka, Hagare le morwa wa gagwe, Ishmaele, ba rakelwa lešokeng gomme ba ka ba ba hwetše fao, ge Modimo a ka ba a sa ba hlokomela, yo a bonego boemo bja bona bja tlalelo gomme a tla go ba hlakodiša.

Ka moka re na le dinako bophelong moo re ikwago re hloka thušo, re fokola, re sa šireletšega gape re le noši, bjalo ka Hagare, gomme re ipotšiša gore ke mang a tsebago goba go tshwenyega gore re ikwa re tšhogile le go ba tlalelong. Ekaba re tshephela go “Modimo yo a bonago” go re hlakodiša?

Modimo ke Mang go nna?