Modimo ke Mang? – Letšatši la 2

Ge nkabe ke filwe mošomo wa go ngwala Pesalome ye gore e be ka gare ga Bibele, nkabe mohlomongwe ke beile temana ya 14 pele ga ya 13, ka gobane pelo ya ka e tlala ka go tumiša Modimo bjalo ka Mohlodi wa ka ka lebaka la maitemogelo a phethagatšo ya mediro ya diatla tša Gagwe. Eupša seo ga se fokotše ka tsela ye e itšego semaka se ke se kwago ge ke dumela gore O hlodile boikwelo bja ka gare-gare ga ka le go nkopanya ka borutho le polokego ya popelo ya mme wa ka.

Seo ke selo se sebotse kudu go ka kopantšhwa ka popelong ya bomme ba rena; gore karolo ye nngwe le ye nngwe ya mmele wa rena go ba moo e swanetšego gore e gole dikgwedi tše senyane, go fihla nakong ye botse ya matswalo! Leo ke lefelo le le kaone la polokego, ka kgonagalo e e makatšago ya go fepa le kgokagano ye e golago magareng ga mme le ngwana. O ka nagana ka bohlale bja monagano bjo bo rulagantšwego le go dira semaka se?

Bjalo ka batho re tšeela seo fase kudu. Ekaba re a ema le go naganišiša ka tsela ya go makatša yeo mebele ya rena e šomago ka yona? Ga se fela maloko a mantši a disele tše di šomago ka nepo nakong ye nngwe le ye nngwe ya letšatši le bošego bjo bongwe le bjo bongwe go netefatša gore re na le tšohle tše di šomago gabotse gore re kgone go phela, eupša gape go netefatša gore re na le khwaliti ya bophelo.

Re na le kgopolo ya go nagana, pelo go ka kwa maikwelo, moya go thabela go šoma ga go se bonwe ga dikwi tše hlano tše di tšwago go Modimo go ka kgona go ipshina ka boitemogelo bjo bongwe le bjo bongwe bja bophelo ka go bona, go kwa, go dupa, go latswa le go kgoma. Gomme ge re gobala, go na le ditsela tše re ka go fodišwa ka tšona. Ga re a bopelwa fela go phela. Mmopi wa rena o nyaka gore re be le bophelo bjo bo feletšego. Re mošomo wa Mmetli wa sethaga lefaseng!

Ke mang Mmetli yo?