Modimo ke Mang? – Letšatši la 16

Go tloga mathomong re be re lebelela Mangwalo ao a re utollelago yo Modimo a lego yena le dipharologantšho tše a nago le tšona. Ditemana tša lehono di na le motswako o o kgahlišago gape wa go fapanafapana, le ge o se na dilo ka moka, tša dipharologantšho tša Gagwe: borena, bobotse, maatla, boleta, toka, mošireletši, molokolodi, le moahlodi.

Re lemoga gore ga motho yo a swango le Modimo yo a ka tlago kgauswi le go ba dilo tše ka moka go batho ba ba ntši, sekaleng sa bogolo bjo! Di nea seswantšho se sebotse sa ka fao a lekalekantšhago dilo ka moka ka kwešišo, boineelo, le ntle le boiteko, gomme O bea dilo ka moka ka peakanyo ya Gagwe ye e phethagetšego gore bohle ba holege.

Re lemoga gore pitšo ke go opela ditumišo go Modimo ge batho ba tsepelela go Yena le mekgwa ya Gagwe, ye e phethagetšego ka tsela ye nngwe le ye nngwe. Seo ke seswantšho se fapanego go se re nago le sona ka boemo bja tlhakatlhakano ka kakeretšo bja lefase leo le lahlegetšego ke tsepelelo ya lona go Modimo. Ga re bone khutšo ye a ka hlolago ke go hlokomela, baetapele ba lokilego bao ba ikokobeditšego go Modimo. Ge e le gabotse, mantšu a Malakia 2:10 a re kgala gore: “Kgane Tatagorena ka moka ga se o tee? Na ga se ra bopša ke Modimo o tee? Bjale re reng re lahletšana le gona re nyatša kgwerano ye Modimo a e dirilego le borakgolokhukhu?”

Le ge Lengwalo le le mabapi le kgwerano ya Modimo le Abrahama, Isaka le Jakobo, borakgolokhukhu ba Israele, le ka dirišwa gape lefaseng la rena, ka ge Modimo e le Mohlodi le Tate wa batho ka moka; Yo a hlokomelago kudu tlholo ya Gagwe go ba Tate, Mošireletši, Mohlokomedi, Molokolodi le Moahloadi wa bona.

Leano la Modimo ke la go hlokomela batho ka moka le go ba karolo ya leano la Gagwe la phološo. O rata lefase le a le hlodilego gomme se ga se kgetholle Yena go fihleleleng se. Ke Tate wa lerato yo a “kgathago tema”! O gona go hlokomela le go go abela gomme ga A go tlogele dinakong tše boima.

Bao ba lahlegetšego ke tatagobona wa lefaseng le basadi bao ba lahlegetšego ke banna ba bona ba kgona go hlatsetša go potego ya Modimo, tlhokomelo le kabelo maphelong a bona, gantši ka ditsela tše makatšago. Modimo o a tshephega ka mo go feletšego ge A re: “Ke nna Modimo wa lena, gomme ke tla le hlokomela go fihlela le tšofala, meriri ya lena e eba ye meputswa. Le hlodilwe ke nna gomme ke tla le hlokomela; ke tla le thuša, ka le hlakodiša” (Jesaya 46:4).

Ka gare ga Bibele ka moka re bona ka fao Modimo a hlokomelago bana ba Ggawe, eupša ke ka go Testamente ye Mpsha moo tema ya Gagwe ya go ba Tate e utollwago ka nnete ka go romela Morwa wa Gagwe, Jesu Kriste, go tlo phološa batho go dibe tša bona.

Modimo ke Mang?