Khomotšo go tšwa Lentšung – Letšatši 33

₁₁O kgalema motho ka go mo otlela bokgopo bja gagwe;

o fediša se a se ratago ya ba nke se lewa ke tšhwele.

Motho ke lefeelafeela. Sela

₁₂Ekwa thapelo ya ka, Morena;

ntheeletše ge ke go llela.

O se hlokomologe sello sa ka,

gobane ke mofaladi nageng ya gago,

ke mofeti bjalo ka borakgolokhukhu ka moka.

₁Modimo,

go tumišwa go lebane wena kua Sione;

ke wena o lebanwego ke go phethelwa dikeno,

₂wena yo o kwago dithapelo.

Batho bohle ba tla tla go wena

₃ka lebaka la dibe tša bona.

Re imelwa ke dikarogo tša rena,

eupša wena o re lebalela tšona.

₄Ba lehlogonolo ke ba o ba kgethago,

ba o ba batametšago go tlo dula ka dikgorong tša gago.

Nke re ka khorišwa tša ka ntlong ya gago,

tša Tempele ya gago ye kgethwa.

₅Wena, Modimo, Morephološi,

o re araba ka go re hlakodiša ka ditiro tše di makatšago.

Batho bohle lefaseng

le moše wa mawatle a kgole ba botile wena.

₁₉A go tumišwe Mong wa bohle,

yo a re pepago letšatši ka letšatši,

yena Modimo, Morephološi.

₂₀Modimo wa rena ke wa go re phološa;

Morena, Mong wa rena,

o re hlakodiša lehung.