Khomotšo go tšwa Lentšung – Letšatši 10

₃₃Morena, nthute go phetha taelo tša gago,

ke mo ke tlago phela ka tšona go fihlela mafelelong.

₃₄Ntlhalošetše melao ya gago,

gomme ke tla e phetha ka pelo ya ka yohle.

₁₂₉Taelo tša gago di a makatša,

ke ka lebaka leo ke di phethago.

₁₃₀Kutollo ya tše o di boletšego e a sedimoša;

ba go hlalefetšega gabonolo e a ba hlalefiša.

₁₃₁Ke fišegela ditaelo tša gago,

ke di hlologela kudu.

₁₃₂Retologela go nna o nkgaugele,

go etša ge o gaugela ba ba go ratago.

₁₃₃Ntlhahle bophelong bjalo ka ge o nkholofeditše;

o se ntlogele ke bušwa ke bobe.

₁₀Nna ke leka go go direla ka pelo ya ka yohle;

o se ntese ke phamoga melaong ya gago.

₁₁Dikholofetšo tša gago ke di lotile ka pelong,

gore ke se go fošetše.