Kholofelo e mpsha (Karolo ya 2) – Letšatši la 8

Ge a be a robetše bolaong bja gagwe bja lehu, molemi wa merara o be a lebeletšane le bothata. Naa barwa ba gagwe ba bararo, bao ba sentšwego ge ba gola, ba tla kgona go tšea boikarabelo bja maphelo a bona ge a hlokafetše? O be a se na nnete, gomme a loga leano a ba biletša ka phapošing ya gagwe. Kgauswi le mpete wa gagwe, o ba boditše gore: “Go na le letlotlo le ke le bolokilego tšhemong ya merara. Ge le ka epa go ya gare kudu gomme lefelong la maleba, le tla le hwetša.”

Morago ga lehu la gagwe, barwa ba molemi wa merara ba fihlile tšhemong ya merara le ditlabakelo tša go epa. Ba epile go tloga godimo go ya fase, eupša go be go se na sešupo sa letlotlo. Le ge go le bjalo, ka lebaka la go epa, ba bile le puno e kgolo kudu ya diterebe, tšhemong yeo.

Le ge mathomng masogana a be a nyamile kudu, ka morago ba lemogile gore tatago bona o ba rutile thuto e bohlokwa kudu. Katlego ga e direge ka letšatši le tee. O swanetše go e šomela ka thata gomme ka dinako tše dingwe, letlotlo le ka bonala le fapane go se o kago se nagana.

Katlego e nyaka gore o šome ka thata le go kgotlelela ka gare ga mathata. Henry Ford o paletše kudu bophelong bja gagwe (e sa le a šaparega nakong e nngwe), pele a aga Khamphani ya gagwe e atlegilego ya Dikoloi ya Ford. Walt Disney o ile a rakwa bjalo ka mmegi wa ditaba ka lebaka la go hloka go hlama, pele ga katlego ya gagwe ya ditšweletšwa, go akaretša Mary Poppins, Mickey Mouse, Pinocchio, Bambi le tše dingwe tše ntši. Gomme moahlodi wa X-Factor le Idols, Simon Cowell, o tlogetše sekolo a na le mengwaga ye 15. O šomile ka thata go ka iphediša pele a hwetša mošomo khamphaning ya go rekota. Ka morago, o šomišitše maitemogelo a gagwe ao a a hweditšego khamphaning go ba yo mongwe wa batšweletši ba mmino ba ba humilego lefaseng lehono.

Go šoma ka thata le kgotlelelo ge o lebeletšane le manyami ga go tliše fela katlego, eupša gape go bopa le go hlama semelo sa go boifa Modimo kudu. Se se a tiišetšwa go Baroma 5:3-5: E sego fao fela; re ikgantšha le ka mathata a rena, ka ge re tseba gore mathata a tliša kgotlelelo, kgotlelelo e dira gore re kgahle Modimo, gomme go kgahla Modimo go re tlišetša kholofelo. Kholofelo yeo ga e re swabiše, gobane lerato la Modimo le tšhetšwe ka dipelong tša rena ke Moya wo Mokgethwa wo re o filwego.

Se dumelele go palela go bea khutlo moo Modimo a nyakago go e ba fegelwana. Go oketša moo, se leke go fihlelela katlego ka ntle le Modimo, ka ge katlego e tla ba ya nakwana. Dumelela Moya wo Mokgethwa go go hlahla sehleng se sengwe le se sengwe gomme ge o ewa, wela pele, o šomiša maitemogelo go sepela ka go akgofa go feta mapheko bophelong bja gago, gore o atlege. Gopola, ka Modimo lehlakoreng la gago, ga go se o ka se se fihlelelego bophelong!