Kgonthišetšo e šegofaditšwego – Letšatši la 5
O mogolo gakaakang
(Di)temana ya Bibele
Pesalome 92
Gobane wena, Morena, o nthakgaditše ka ditiro tša gago; ke hlalalela tše o di dirilego. Morena, mediro ya gago ke ye megolo bjang! Menagano ya gago ga se ka go iša. Pesalome 92:4-5
Kanegelo ya “O mogolo gakaakang” ke ye e kgahlišago. E thoma ka Carl Boberg, moreri yo monnyane wa Sweden yo a ngwetšego sereto ka 1886 se se bitšwago, O Store Gud, se se hlalošago gore “Modimo yo mogolo”. Sereto se gatišitšwe kuranteng gomme sa lebalwa ka pela.
Mengwaga ka morago, o thabile go kwa sereto sa gagwe se opelwa ke phuthego ya kereke, ka molodi wa setšo wa Sweden. Go tloga fao, se fetoletšwe go Sejeremane gomme go ya go Seisimane ke Stuart Hine, pele se tuma kudukudu ka lebaka la dikruseiti tša Billy Graham ka bo-1950.
Eupša go na le tše ntši go kanegelo.
Ka bo-1930, Sons of the Pioneers e be le sehlopha sa go tuma sa naga le sa bodikela kua Amerika. Tim Spencer e be e le yo mongwe wa bona. Tim o nyetše Velma, mosadi wa Mokriste yo a bego a mo rapelela kudu, kukududu ge a be a le tseleng. O be a hloka dithapelo tše a bego a ka di hwetša ka gobane tsela ya gagwe ya go phela e be e laolwa ke hlogo ya ye nngwe ya dokopelo: “Disekarete, Wiski le Basadi ba go se Laolege”. Gomme ka letšatši le lengwe, hoteleng kua Pennsylvania, Tim o butše lengwalo go tšwa go mosadi wa gagwe, leo le akaretšago temana go tšwa Bibeleng. Tim o tšere Bibele, a bala temana gomme a neela bophelo bja gagwe go Kriste.
Tim Spencer ka morago o hlomile khamphani ya go gatiša ya mmino wa sedumedi, Manna Music, gomme menhgwaga ye mmalwa ka morago, morwa wa gagwe o mo tlišeditše kopelo go tšwa khonferenseng ya boromiwa. Tim o ikgokagantšhitše le mongwadi wa mantšu, Stuart Hine, gomme a gatiša kopelo. E bile ye nngwe ya difela tše di ratwago kudu ya ngwagakgolo wa masomepedi. Gomme nka fao mongwadi wa “Disekarete, Wiski le Basadi ba go se Laolege” a bilego mogatiši yo a thušitšego go tsebiša lefase go “O mogolo gakaakang”.
Carl Boberg, Tim Spencer le Billy Graham e be e le meloko gomme ba fapane, eupša ba na le selo se tee sa go swana. Ba lemogile bogolo bja Modimo. Ba bone go mohlolo wa tlholo, go dilo tše kgolo bjalo ka madimo a maatla le go dilo tše nnyane, bjalo ka methapo ya matlakala a lehlabula.
Bogolo bja Modimo bo a bonala go dikarolo tše nnyane tše di tlwalegilego tša bophelo. O hloka fela go lebelela.
