Bible Society of South Africa
Dithulaganyo tša go bala
Ke mosadi
Ke mosadi – Letšatši 5

Ke mosadi – Letšatši 5

Mosadi ka mo gare ga Bibele ke mosadi yo a šomago

Ke mosadi yo a rwelego maikarabelo a mantši. O swanetše go bona gore dilo ka moka ka lapeng di sepela gabotse, gore monna wa gagwe le bana ba gagwe ba thabile le gore ba hlokometšwe gomme le gore o rata go tšwetša dithuto tša mošomo wa gagwe pele.

Gomme o lemoga gore: Ke mosadi!

(Di)temana ya Bibele

MMOLEDI 2

24Motho ge a na le sa go ja, le sa go nwa, le go ipshina ka tše a di šometšego gaboima, ga se ka lebaka la gore a lokile. Ke lemogile gore tšeo le tšona di tšwa go Modimo. 25Kgane ke mang yo a ka bago le sa go ja le sa go ipshina a sa se fiwe ke Modimo?

MMOLEDI 2:24-25NSO00Bula go Mmadi wa Bibele

EKSODOSE 1

15Bjale kgoši ya Egepeta ya bolela le babelegiši ba basadi ba Baheberu; leina la yo mongwe e be e le Shifra, la yo mongwe e le Pua. 16A re go bona: “Le hlokomeleng ge le belegiša basadi ba Baheberu; ge le hwetša leseana e le mošemane le le bolaye, fela ge le hwetša e le mosetsana le le lese le phele.” 17Fela babelegiši ba be ba boifa Modimo mme ba se ke ba dira ka moo kgoši a ba laetšego, eupša ba lesa bašemane ba phela.

EKSODOSE 1:15-17NSO00Bula go Mmadi wa Bibele

MMOLEDI 3

Tšohle di na le nako ya tšona

1Dilo ka moka di na le lebaka la tšona, tšohle di na le nako ye di e beetšwego ke Modimo lefaseng.

MMOLEDI 3:1NSO00Bula go Mmadi wa Bibele

DITIRO 16

13Ka tšatši la Sabatha ra tšwa motseng ra ya nokeng moo re bego re gopola gore ke felo mo Bajuda ba tlwaetšego go rapela gona. Ra dula fase ra bolela le basadi ba ba bego ba kgobokane moo. 14Yo mongwe wa ba ba bego ba re theeleditše e be e le Lidia, e le mmapatši wa lešela la bohwibidu bja moretele, wa go tšwa Tiatira. Yena o be a khunamela Modimo, gomme Morena a mo fa gore a ele tše Paulose a di bolelago hloko. 15Ge yena le ba lapa la gagwe ba seno kolobetšwa, o ile a re mema a re: “Ge eba le mpona ke le modumedi wa Morena, a re yeng le yo dula ka ga ka.” A phegelela go re mema.

DITIRO 16:13-15NSO00Bula go Mmadi wa Bibele

DIEMA 31

Mosadi wa seroto

10Ke mo go thata kudu go hwetša mosadi wa soroto!

Ke yo bohlokwa kudu go feta le magakabje.

11Monna wa gagwe o a mmota,

ka gobane mosadi yoo o oketša thoto ya gagwe.

12O direla monna wa gagwe tše botse fela,

e sego tše mpe,

bophelong bja gagwe ka moka.

13O nyaka boya bja nku le leokodi,

a ipshina ka go di loga.

14O tliša dijo tša kgole gae bjalo ka maselawatle a bagwebi.

15O tsoga e sa le bošego gore a apeele ba lapa la gagwe dijo,

le gore a botše badiredi ba gagwe ba basetsana tše ba swanetšego go di dira.

16O lekola tšhemo gomme a e reka,

a bjala merara ka tšhelete ye a e šometšego.

17O šoma kudu gomme ke seroto.

18O tseba theko ye e swanetšego tše a di rekago le tše a di dirago,

gomme o šoma a goteditše lebone go fihlela mašegogare.

19O ohla tlhale, a itogela lešela.

20Ke mafakudu go badiidi,

ga a kone bahloki.

21Ga a tshwenyege ge lehlwa le ewa,

ka gobane ba lapa la gagwe ba na le diaparo tše borutho.

22O loga mašela a malao;

o apara diaparo tša lešela le boletiana tša bohubedu bja go retela.

23Monna wa gagwe o a tsebega kgorong,

moo a dulago le bagolo ba setšhaba.

24Mosadi yoo o roka diaparo a di rekiša,

mapanta o a rekišetša bagwebi.

25Ke yo maatla mme o a hlomphega;

ga a boife tša matšatši a a tlago.

26Ka mehla o bolela tša bohlale,

o ruta bana ba gagwe ka botho.

27O hlokometše tša lapa la gagwe gabotse,

ga a je dijo tša bobodu.

28Bana ba gagwe ba a mo reta,

monna wa gagwe o a mo tumiša.

29O re: “Basadi ba diroto ke ba bantši,

eupša wena o ba phala ka moka.”

30Botsoro bo a fora, botse bo a fela,

eupša yo a swanetšego go retwa ke mosadi yo a boifago Morena.

31Mo reteng ka tše a di dirago.

A a retwe ke batho kgorong!

DIEMA 31:10-31NSO00Bula go Mmadi wa Bibele

  • O lemoga gore mošomo ke mpho
  • O direla Modimo le ge a na le kgatelelo ya mošomo wa mo a šomago gona
  • O leka go šomiša nako ya gagwe gabotse
  • Ke mosadi wa modumedi wa kgwebo
  • Ke mosadi wa seroto

Bible Society of South Africav.4.26.9
RE HWETŠE GO