Ke mang Monna yo? – letšatši la 8

Dikanegelo tša bana tša bogologolo di dira gore re be le diswantšhokgopolo, kudukudu tšeo di rumago ka kanegelo ya katlego. Morekiši wa dikuranta yo mafelelong a bago morulaganyi wa kuranta ya khuetšo. Mošemane wa go tšwa lekheišeneng yo e bago leloko la palamente. Difilimi le dipuku tša mohuta wo wa dikanegelo gantši di rekwa kudu.

O kile wa nagana ka Jesu o monnyane? Ka Bibeleng, ga re bale, ka kgopolo le ge e le efe, kanegelo ya mogale ka Yena. Se se a makatša. Ka tsebo ya rena ya thuto, gantši re re thupa e kobjwa e sa le e nanana. Eupša Bibele ga e re selo ka se mabapi le Jesu.

Motho a ka akanya ka Jesu o monnyane. O be a A le bjang ge e le mošemane? Ke mmona A sepela ka feketoring ya tatagwe. E ka ba e be e le ngwana yo a gotšego bjalo ka ngwana ofe goba ofe o monnyane? Goba ga se A ke a seleka bjalo ka bšemane ba bangwe? O gotše magareng ga kota, lerole la dikota, dithulusi le dikokotela – tikologo e bonolo. Morago bophelong bja Gagwe, o be A ile a kopana le kgodišo yeo e bonolo. A bapala le bagwera ba gagwe, a ithuta go bala, go ngwala le go dumela. Bibele e taboga nako ye. Re bala ka lebollo la Gagwe ge a be A na le matšatši a seswai le go tšhabela ga bona Egepeta. Karolong ya go latela, šetše a na le mengwaga ye 12. Morago ga seo, Bibele e tabogela mengwageng ya mafelelo ge Jesu ka mafolofolo a a rera phatlalatša.

Jesu o be a na le mengwaga ye 12 ge A, lekga la pele, a rera pele ka batheeletši ba bantši, go gopola Lukase. Re bala ka dilo tša go ikgetha tše mmalwa – gore A ba yo maatla, a tletše ka bohlale le gore kgaugelo ya Modimo e be e le go yena. A, ka gona, matlafala le go ba bohlale gomme Modimo ka boYena a mo tlatša ka bohlale.