Ke mang Monna yo? – letšatši la 6

Ge bana ba ka e sa le ba ba nnyane, re ile ra ba rekela mmutla. Leina la wona e be e le Sprocket, mmutla wa go ratega, eupša ka tsela e itšego o tšhogile. Ge re o tšeela dijo, o be ka pela o kitimela ntlwaneng ya wona ya mapolanka, o ka re re dintšhu tše kgolokgolo tšeo o bego o swanetše go di tšhabela. Le ge re be re netefaletša Sprocket gore o se kwa tšhoga, re be re ka se o botše gore re o rata kudukudu. O be sa bolele leleme la batho. Go wona, re be re le diphoofolo tše kgolokgolo, tša maoto a mabedi.

Go be go kweša bohloko gore re be re sa kgone go bolela leleme la mmutla. Eupša go ka dira seo, re be re swanetše go ba mebutla gore re bolele le Sprocket. Seo, go ba gona, ga se kgonege. Eupša a re re mohlomongwe go ka kgonega go re re be mmutla, go be go ka se be selo ge go bapetšwa le Modimo yo a bilego motho. Modimo yo a dirilego le go hlola tšohle, a tšea popego le sebopego sa materiale o Yena a o dirilego ka boYena.

Modimo o dirile se go re kgodiša ka lerato la gagwe le tlhokomelo. Ga se Modimo o mogolo wa go se kwešišege yo a lego kgole yo re swanetšego go mmoifa. Ga se Modimo yo mobe yo a akaletšego godimo ga “ntlo ya mmutla” (lefase) go re tšhoša. Ke Modimo wa lerato yo a nyakilego go šupetša seo.

Ka go ba motho, Modimo o tlile kgauswi le rena go feta le ge e le neng pele. Ge o ka se tle go nna, gomme nna ke tla tla go wena. Tswalano ya Gagwe ye e tseneletšego le lefase e bonagetše gore mang le mang a e bone. Ka go tsena lefaseng la rena, O bontšha ka fao o lego bohlokwa go Yena le ka fao A ikemišeditšego ka lefase. Lerato le utolotše ngwana yo a rategago.