Ke mang Monna yo? – letšatši la 4

Mathomo a mabotse ke seripagare sa mošomo se se dirilwego. Eupša mošomo le bodiredi tša Jesu lefaseng di be di makatša ebile di sa letelwa. Batho ba be bas a letela gore Mophološi a ka tla lefaseng bjalo ka ngwana. Go Bajuda, Jesu e be e le yo mongwe wa bašemane ba bantši yo a bego a bitšwa Jesu. Batho fela bao mathomong ba dumetšego go Ngwana, e be e le selopha sa batho bao ba bego ba hloilwe le badiši, le boradinaledi ba mmalwa go tšwa Bohlabela. Naledi ya fa seka gomme barongwa ba thoma kopelo ya mmino wa go rap ka stakato: “Tumišo a e ye go Modimo magodimodimong; lefaseng go be le khutšo, kgahlišo bathong.”

Bajuda ba bae ba letetše selo se se fanego kudu. Ba letetše mophološi, e se ngwana. Motho yo maatla, Yo mafelelong, gatee y aba moka, a ba lokolla go bagateledi ba kgopo, Baroma. Sehlopha se sennyane sa banna ba bohlale ba Bohlabela sa tsebagatša gore kgoši e belegwe. Tsebagatšo ya phatlalala bjalo ka mollo wa hlaga Jerusalema. Re ka e hwetša kae kgoši ya Bajuda? Kgoši, kgoši … o ra go reng? Gomme banna ba bohlale ba fohla go kgoši ye nnyane ya ngwana ka ntlwaneng?

E ka yo ke Mophološi? Go be go bonala eke ke metlae. Mathomo a bophelo bja Jesu a be a sa tlwaelega le makatša. Maria, yo a sa kago a robala le monna, a ima – ka Moya wo Mokgethwa.

Se ke mathomo a go makatša. Nagana kgarebe phuthegong ya gago, ya go se nyale, e ika. Seo ke sona se batho ba ngunangunago ka son aka morago ga diatla tša bona. Jesu ke morwa wa mosadi yo a sa nyalwago – yo a belegegwe ka ntle ga lenyalo. Ke ka fao batho ba bego ba e bona ka gona ka nako yeo. Seo Bajuda ba bego ba nagana gore se tla thoma ka mošate le ka maatla, se feleleditše e le se se fapanego.